साहुले फसाएका लालबहादुर विकलाई उच्च अदालत विराटनगरले सफाइ दियाे

साउन १६, २०८० मंगलबार १९:५७:५७ | उज्यालो सहकर्मी

काठमाण्डाै – साहुले फसाएका सुनसरीका मजदुर लालबहादुर विकलाई उच्च अदालत विराटनगरले सफाइ दिएको छ ।

सुन पसलमा गहना बनाउने काम गर्ने लालबहादुरलाई गएको पुसमा जिल्ला अदालत सुनसरीले डेढ वर्ष कैद, ७० हजार रुपैयाँ जरिबाना र झन्डै तीन करोड रुपैयाँ बिगो भराउने फैसला गरेको थियो । छाक टार्नसमेत मुस्किल हुने लालबहादुरलाई अदालतले गरेको फैसलाको चौतर्फी आलोचना भएको थियो । अभियन्ता र केही वकिलको सहायतामा लालबहादुरले उच्च अदालतमा पुनरावेदन दिनुभएको थियो ।

आज मङ्गलवार उच्च अदालतका न्यायाधीश बिपुल न्यौपाने र मिलनकुमार राईको संयुक्त इजलासले लालबहादुरलाई सफाइ दिएको हो ।

इटहरीमा दीपक गजमेरको सुन पसलमा काम गर्ने लालबहादुरविरुद्ध २०७५ सालमा करौडौँ रुपैयाँ ठगीको मुद्दा परेको थियो । सुनसँगै पैसा पनि बचत गर्ने बचतकर्ताको रकम हिनामिना गर्ने काम साहुले गरे पनि आरोप भने लालबहादुरमाथि लागेको थियो । जिल्ला अदालतले दुई सय ७५ जनाको १८ करोड ८४ लाख ६६ हजार आठ सय ८९ रुपैयाँ बिगो कायम गरेकोमा लालबहादुरविरुद्ध तीन करोड रुपैयाँको बिगो, ७० हजार रुपैयाँ जरिबाना र डेढ वर्ष कैदको फैसला सुनाएको थियो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

साहुले फसाएका लालबहादुर विकलाई उच्च अदालत विराटनगरले सफाइ दियाे

तस्बिर : सामाजिक सञ्जाल

तपाईको प्रतिक्रिया