भाइटीकाकै दिन जीप दुर्घटना, बाबुछोरीको मृत्यु

कात्तिक २४, २०७५ शनिबार १९:२९:६ | राजु लामिछाने

रुकुम पश्चिम – शुक्रबार बाँफिकोट गाउँपालिका –३, दहखोलामा भएको जीप दुर्घटनामा परि घाइते भएकी बालिकाको पनि ज्यान गएको छ ।

शुक्रबार बेलुका लु १ ज २६६८ नम्बरको जीप दुर्घटनामा परि गम्भीर घाइते भएकी आठबीसकोट नगरपालिका –१, स्यालाखदीकी ५ वर्षीया पार्वती विकको उपचारका लागि लैजाँदै गर्दा ज्यान गएको हो ।

उपचारका लागि नेपालगञ्ज लैजाँदै गर्दा सल्यानमा बालिकाको मृत्यु भएको जिल्ला प्रहरी प्रमुख प्रहरी नायव उपरीक्षक सुमित खड्काले जानकारी दिनुभयो । बाँफिकोट गाउँपालिका –३, स्यार्पूबाट नेपानेतर्फ जाँदै गरेको जीप दुर्घटना हुँदा चालक आठबीसकोट नगरपालिका वडा नम्बर –१, स्यालाखदीकै २८ वर्षीय टेकमान विकको शुक्रबार मृत्यु भएको थियो । पार्वती र टेकमान बाबुछोरी हुन् ।

टेकमान छोरीलाई लिएर नेपानेमा रहेको ससुरालीतर्फ जाँदै गर्दा जीप दुर्घटनामा परेको प्रहरीको भनाई छ । बाटो अप्ठेरो भएका कारण दुर्घटना भएको बताइएको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्