सुर्खेतमै खुल्यो श्रम कार्यालय, श्रम स्वीकृति लिन काठमाडौं धाउनु नपर्ने

मंसिर १२, २०७५ बुधबार १६:३१:३९ | मुना हमाल

सुर्खेत – कर्णाली प्रदेशको राजधानी वीरेन्द्रनगरमा श्रम तथा रोजगार कार्यालय स्थापना गरिएको छ । श्रम तथा रोजगार, सामाजिक सुरक्षामन्त्री गोकर्ण विष्टले कार्यालयको उद्घाटन गर्नु भएको हो ।

अब वैदेशिक रोजगारीका लागि श्रम स्वीकृति लिन कर्णालीका नागरिक काठमाडौं जाने बाध्यता हटेको छ । कार्यालयबाट श्रम, रोजगारी, सामाजिक सुरक्षासँग जोडिका विषयमा काम गर्ने श्रम रोजगार तथा सामाजिक सुरक्षा मन्त्रालयका सचिव महेशप्रसाद दाहालले जानकारी दिनुभयो ।

‘अब यहाँका नागरिक श्रम स्वीकृति लिनका लागि काठमाडौं जानु पर्दैन । हामीले श्रम, रोजगार र सामाजिक सुरक्षासम्बन्धी कामहरु यहीबाट गर्छौँ’, उहाँले भन्नुभयो, ‘कर्णाली प्रदेशमा धेरै सम्भावना रहेको छ । जडिबुटीको खानी छ । यहाँ हामीले धेरैलाई रोजगारी सिर्जना गर्न सक्छौँ ।’

मुना हमाल

मुना हमाल सुर्खेतका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

(अनिवार्य)