काठमाण्डाै महानगरवासीका लागि लाेक सेवा तयारी कक्षा

जेठ ६, २०८१ आइतबार १५:१९:२९ | उज्यालो सहकर्मी

काठमाण्डाै – काठमाण्डौ महानगरपालिकाले महानगरवासीका निःशुल्क लागि लोक सेवा तयारी कक्षा शुरु गरेको छ ।

गएको महिना वैशाख २२ गते सार्वजनिक सूचनामार्फत कक्षामा सहभागी हुन चाहने इच्छुक महानगरवासीलाई आवेदनका लागि आह्वान गरेको थियो । यस सूचनाका आधारमा दुई सय पाँच जनाको आवेदन परेको थियो । आवेदकमध्ये एक सय ७८ जना छनोट गरेर चैतन्य एकेडेमीसँगको सहकार्यमा कक्षा शुरु गरिएको हो ।

लोक सेवा तयारी कक्षाको आज शुरुवात गर्दै महानगरपालिकाका प्रमुख प्रशासकीय अधिकृत प्रदीप परियारले व्यवस्थित समाज र समृद्ध नगर निर्माणका लागि पूर्वाधार विकास र सामाजिक विकाससँगै बौद्धिक विकासका कार्यक्रम एकैपटक सञ्चालन गर्न थालिएको बताउनुभयो ।

नेपाल सरकारका पूर्वसचिव एवम् कक्षाका स्रोत व्यक्ति गोपीनाथ मैनालीले बौद्धिक क्षमता र सिर्जनात्मक लेखन सीप भएका व्यक्तिले सजिलै लोक सेवा उत्तीर्ण गर्न सक्ने धारणा राख्नुभयो । तयारी कक्षा लिने व्यक्तिले भौतिक रूपमा कक्षामा उपस्थित हुनैपर्नै र यसमा अनलाइन कक्षा लिने सुविधा नभएको उहाँले बताउनुभयो ।

महानगरको सामाजिक विकास विभागकी प्रमुख विमला कोइरालाले तयारी कक्षा बीचमा छोड्ने छुट कसैलाई पनि नभएको र यदि कसैले कक्षा छोडेमा त्यसबापतको शुल्क भुक्तानी गर्नुपर्ने जानकारी गराउनुभयो ।

तालिम संयोजक रितु कर्णकाअनुसार तालिम आउँदो भदौ महिनासम्म चल्नेछ । तालिममा महानगरपालिकाका स्थायी बासिन्दा, महिलाको हकमा ४० वर्ष र पुरुषको हकमा ३५ वर्ष उमेर पूरा नभएकालाई कक्षामा सहभागी गराइएको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्