'स्टारलिङ्क' को इन्टरनेट सेवा शुरु गर्न एलन मस्क इन्डोनेसियाको बालीमा

 जेठ ६, २०८१ आइतबार १८:३१:९ | एजेन्सी
unn.prixa.net

तस्बिर : एजेन्सी

अमेरिकी अर्बपति एलन मस्क इन्टरनेट सेवा शुभारम्भका लागि इन्डोनेसिया पुग्नुभएको छ । मस्कको कम्पनी 'स्टारलिङ्क' को इन्टरनेट सेवा संसारमै तीव्र गतिको र भरपर्दो मानिन्छ । इन्डोनेसियामा स्टारलिङ्कको इन्टरनेट सेवा शुरु गर्न एलन मस्क आज बिहान बाली पुग्नुभएको समाचार संस्था रोयटर्सले जनाएको छ ।

स्याटेलाइट कम्पनी 'स्पेसएक्स' र विद्युतीय गाडी 'टेस्ला' का प्रमुखसमेत रहेका अर्बपति मस्कले इन्डोनेसियाका राष्ट्रपति जोको विडोडोसँगै आज एक सामुदायिक स्वास्थ्य केन्द्रमा स्टारलिङ्क इन्टरनेटको उद्घाटन गर्ने कार्यक्रम छ ।

इन्डोनेसियाका लगानीमन्त्री लुहुत बिनसर पन्जायतनले बालीको विमानस्थलमा मस्कलाई स्वागत गर्दै अब देशको इन्टरनेट सेवा अर्को चरणमा पुग्ने बताउनुभएको छ । दक्षिण पूर्वी एशियाको सबैभन्दा ठूलो अर्थतन्त्र भएको देश इन्डोनेसियाको सबै जनसङ्ख्यामा इन्टरनेटको समान पहुँच पुर्‍याउन मस्कको कम्पनीको उपस्थिति महत्त्वपूर्ण रहेको खबरमा उल्लेख छ ।

ठाउँ–ठाउँमा स–साना डिभाइस राखेर स्टारलिङ्क कम्पनीको इन्टरनेट विस्तार गर्न सकिन्छ । अब इन्डोनेसियाका १७ सय वटा टापुसहित शहरी तथा दुर्गम क्षेत्रमा बस्ने २७ करोड जनाभन्दा धेरै मानिसले द्रूत गतिको इन्टरनेट सुविधा पाउनेछन् । यसले देशकै अर्थतन्त्रमा ठूलो टेवा पुग्ने सरकारी अधिकारीले बताएका छन् ।

दक्षिण पूर्वी एशियामा स्टारलिङ्कको इन्टरनेट जडान गर्ने इन्डोनेसिया तेस्रो देश हो । मलेसिया र फिलिपिन्सले यसअघि नै स्टारलिङ्कको इन्टरनेट सेवा शुरु गर्न सम्झौता भइसकेको छ ।

अन्तिम अपडेट: पुस ५, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

एनपीएलको सर्वोत्कृष्ट नेपाली खेलाडी दीपेन्द्रले पाए कार

२

नेपालमा जस्तो आतिथ्यता र क्रिकेट समर्थक संसारमा अन्त कतै देखिएन : जिमी निशम

३

सुदूरपश्चिमलाई ५ विकेटले हराउँदै जनकपुरलाई एनपीएलको उपाधि

४

साउनदेखि मंसीरसम्ममा १३ अर्ब रुपैयाँभन्दा धेरैको बिजुली निर्यात, हिउँद लागेसँगै आयात शुरु

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई