सुर्खेतमा आज र भोलि श्रमाधान रोजगार मेला

जेठ २५, २०८१ शुक्रबार ९:०:४८ | उज्यालो सहकर्मी

काठमाण्डौ – सुर्खेतमा आज र भोलि श्रमाधान रोजगार मेला हुँदैछ । श्रम, रोजगार तथा सामाजिक सुरक्षा मन्त्रालयले सातवटै प्रदेशमा मेला आयोजना गर्ने कार्यक्रमअन्तर्गत कर्णाली प्रदेशको सुर्खेतमा आज र भोलि मेला सञ्चालन हुने भएको हो । वीरेन्द्रनगरको सिटी हलमा मेला सञ्चालन हुनेछ ।

रोजगारदाता र रोजगारी खोजिरहेका व्यक्तिहरूबीच भेटघाट गराउने मेलाको मुख्य उद्देश्य हो । रोजगारीका अवसर सिर्जना गर्नु, सीप विकास प्रवद्र्धन गर्नु, उद्यमशीलतालाई प्रोत्साहन गर्नु, आर्थिक वृद्धिलाई उत्प्रेरित गर्नु, युवा सशक्तीकरण गर्नु र सार्वजनिक निजी साझेदारी अभिवृद्धि गर्नु मेलाको उद्देश्य रहेको श्रम, रोजगार तथा सामाजिक सुरक्षा मन्त्रालयका उपसचिव टीकाराम ढकालले बताउनुभयो ।

गएको १७ गते कोशी प्रदेशबाट श्रमाधान रोजगार मेला शुरु भएको हो । यसअन्तर्गत हिजो र अस्ति लुम्बिनी प्रदेशको बुटवलमा मेला भएको थियो । यसअघि कोशी प्रदेशको विराटनगर, मधेश प्रदेशको जनकपुर र गण्डकी प्रदेशको पोखरामा पनि मेला भइसकेको छ । मेलामा रोजगारी खोजिरहेका र रोजगारदाताको उत्साहपूर्ण उपस्थिति भइरहेको श्रम मन्त्रालयले जनाएको छ ।

अब सुदूरपश्चिम प्रदेशको धनगढीमा २७ र २८ गते तथा बाग्मती प्रदेशको ललितपुरमा २९ र ३० गते मेला आयोजना हुनेछ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्