कृषिमन्त्री खनालको एक्सन : डीडीसी दूध उत्पादन केन्द्रमा छापा, दुई डेरीमा सिलबन्दी

जेठ २८, २०७५ सोमबार १३:३६:३७ | उज्यालो सहकर्मी

काठमाडौं – कृषि, भूमि, व्यवस्था तथा सहकारी मन्त्री चक्रपाणि खनालले बालाजुमा रहेको आधुनिक डेरी प्रोडक्ट, शुलभ कृषि डेरी र डीडीसी दूधको उत्पादन केन्द्रमा छापा मार्नु भएको छ ।

गुणस्तरहिन दूध र दूधजन्य बस्तुहरुको बिक्रि वितरण भइरहेको समाचार आइरहेका बेला मन्त्री खनालले सोमबार बिहान बालाजुमा रहेको तीन वटै दूध डेरीको उत्पादन केन्द्रको अनुगमन गर्नु भएको हो ।

अनुगमनका क्रममा आधुनिक डेरी प्रोडक्ट र सुलभ डेरीको पाउडरको गोदाम न्यूनतम मापदण्ड भित्र पनि नरहेको पाइएपछि सील गरिएको छ । कुनै मापदण्ड पूरा नगरेको पाइएपछि दुवै डेरीको पाउडर गोदाम सील गर्नु परेको मन्त्री खनालले बताउनुभयो ।

त्यसैगरी डीडीसी दूधको पनि गुणस्तर परीक्षण गर्ने र मापदण्ड पूरा नगरेको पाइए कडा कारबाही गर्ने मन्त्री खनालको योजना छ । मन्त्री खनालले तीन वटै दूधको ३० वटा स्याम्पल परीक्षणका लागि लगिएको र त्यसमा गुणस्तर नभएको पाइए भोलिबाटै आवश्यक कारबाही प्रक्रिया अघि बढाउने चेतावनी पनि दिनुभयो ।

मन्त्रीसँग पुगेका खाद्य प्रविधि तथा गुण नियन्त्रण विभागका अधिकारीहरुले ३ वटै दूध डेरीका करिब ३० वटा स्याम्पल पिस परीक्षणका लागि लिएका छन । ती दूधको परीक्षण सोमबार नै हुने र गुणस्तरहिन देखिए भोलिबाटै कारबाही प्रक्रिया अघि बढाउने मन्त्री खनालले स्पष्ट पार्नुभयो ।

मन्त्री खनालले नागरिकको स्वास्थ्यमाथि खेलबाड गर्ने गरी खाद्य बस्तु उत्पादन गर्नेमाथि खाद्य सम्प्रभूता ऐन अन्तरगत कडा कारबाही गर्ने पनि चेतावनी दिनुभयो । सरकारले नागरिकको स्वास्थ्यमाथि खेलबाड गर्ने जो कोही पनि कारबाहीको दायरामा ल्याउने उहाँको भनाई छ । मन्त्री खनालले डेरीहरुमा प्रयोग गरिएको पाउडर परीक्षण गरेपछि मात्रै गोदाममा लगाइएको सील खोलिने उहाँले बताउनुभयो ।

मन्त्री खनालले जनस्वास्थ्यमा खेलबाड गर्ने काम भइरहेको भन्दै कालिमाटी फलफूल तथा तरकारी बजारको पनि अनुगमन गर्नु भएको थियो ।

अन्तिम अपडेट: माघ १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Kiran dangi
June 11, 2018, 1:52 p.m.
nice job. keep it up
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

कृषिमन्त्री खनालको एक्सन : डीडीसी दूध उत्पादन केन्द्रमा छापा, दुई डेरीमा सिलबन्दी

1 Comments

Kiran dangi

तपाईको प्रतिक्रिया

तपाईको प्रतिक्रिया