श्रीलङ्कामा वामपन्थी नेता दिसानायके राष्ट्रपति बन्ने सम्भावना बलियो

असोज ६, २०८१ आइतबार १२:३:२२ | उज्यालो सहकर्मी

श्रीलङ्कामा वामपन्थी नेता अनुरा दिसानायके राष्ट्रपति बन्ने सम्भावना बलियो बनेको छ । राष्ट्रपति चुन्न भएको मतदानको मतगणनामा अहिलेका राष्ट्रपति रनिल विक्रमासिंघेलाई वामपन्थी नेता दिसानायकेले उछिन्नुभएको छ । श्रीलङ्कामा १० औं राष्ट्रपति चयन गर्न हिजो मतदान भएको थियो । एक करोड ७० लाख मतदातामध्ये झन्डै ७५ प्रतिशतले मत खसालेका थिए ।

पछिल्लो मतपरिणाम अनुसार दिसानायकेले ४२ प्रतिशत मत प्राप्त गर्नुभएको छ । दिसानायके नेशनल पीपुल्स पावर (एनपीपी) गठबन्धनका उमेद्वार हुनुहुन्छ । उहाँका प्रतिस्पर्धी साजिश प्रेमदासा दोस्रो र विक्रमासिंघे तेस्रो स्थानमा हुनुहुन्छ । प्रेमदासाले कुल मतको झन्डै ३२ र दोस्रो कार्यकालका लागि उम्मेदवार रहेका विक्रमासिङ्घेले अहिलेसम्म १६ प्रतिशत मत प्राप्त गर्नुभएको बीबीसीले जनाएको छ ।

राष्ट्रपतिमा चयन हुन कम्तिमा ५१ प्रतिशत मत चाहिन्छ । पहिलो चरणको मतगणनामा उमेद्वारले ५१ प्रतिशत मत ल्याउन असफल भएमा दोस्रो चरणको मतदान हुनेछ । सन् २०२२ को आर्थिक सङ्कटयता श्रीलङ्कामा भएको यो पहिलो चुनाव हो । आर्थिक सङ्कटले गोटाबाया राजापाक्षे सरकारविरुद्ध जनआन्दोलन भएपछि उहाँ देश छाडेर भाग्न बाध्य हुनुभएको थियो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

श्रीलङ्कामा वामपन्थी नेता दिसानायके राष्ट्रपति बन्ने सम्भावना बलियो

एजेन्सी

तपाईको प्रतिक्रिया