महिला टी–२० विश्वकप क्रिकेटमा आज न्युजिल्यान्ड र पाकिस्तान खेल्दै : भारतका लागि समेत महत्त्वपूर्ण

असोज २८, २०८१ सोमबार १०:३८:५२ | उज्यालो सहकर्मी

काठमाण्डौ – आईसीसी महिला टी–२० विश्वकप क्रिकेटमा आज न्युजिल्यान्ड र पाकिस्तान खेल्दैछन् । समूह ‘ए’ का न्युजिल्यान्ड र पाकिस्तानको खेल नेपाली समयअनुसार राति पौने ८ बजे दुबईमा शुरु हुनेछ ।

न्युजिल्यान्ड पहिलो खेलमा भारतसँग ५८ रन र तेश्रो खेलमा श्रीलङ्कासँग आठ विकेटले विजयी हुँदा दोश्रो खेलमा अस्ट्रेलियासँग ६० रनले पराजित भएको थियो । पाकिस्तानले पहिलो खेलमा श्रीलङ्कालाई ३१ रनले हराउँदा दोश्रो खेलमा भारतसँग छ विकेट र तेश्रो खेलमा अस्ट्रेलियासँग नौ विकेटले पराजित भएको थियो ।

गएराति भएको खेलमा अस्ट्रेलियाले भारतलाई नौ रनले हरायो । गएरातिको हारसँगै भारतलाई सेमिफाइनलमा पुग्न आजको नतिजा निकै महत्वपूर्ण रहेको छ । किनभने समूह ‘ए’ मा अष्ट्रेलिया सबै चार खेलमा जितसहित सेमिफाइनलमा पुगिसकेको छ । भारत चार अङ्कसहित दोस्रो स्थानमा छ । चार अङ्कसहित न्युजिल्याण्ड तेस्रो स्थानमा छ ।

समूह ‘ए’ को आज हुने अन्तिम खेल न्युजिल्याण्डले जितेमा सेमिफाइनल पुग्नेछ । भारत र पाकिस्तान बाहिरीनेछन् । तर पाकिस्तानले न्युजिल्याण्डलाई हराएमा नेट रनरेटका आधारमा नतिजा निर्धारण हुनेछ । यसमा भारतकै सम्भावना बलियो हुनेछ ।

प्रतियोगिताको समूह ‘ए’ मा अस्ट्रेलिया, भारत, पाकिस्तान, श्रीलङ्का र न्युजिल्यान्ड छन् । समूह ‘बी’ मा दक्षिण अफ्रिका, वेस्ट इन्डिज, बङ्गलादेश, स्कटल्यान्ड र इङ्ग्ल्यान्ड छन् । समूहका शीर्ष दुई टोलीले सेमिफाइनल खेल्नेछन् ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

महिला टी–२० विश्वकप क्रिकेटमा आज न्युजिल्यान्ड र पाकिस्तान खेल्दै : भारतका लागि समेत महत्त्वपूर्ण

तस्बिर : एजेन्सी

तपाईको प्रतिक्रिया