पूर्व प्रधानमन्त्रीहरुसँग प्रधानमन्त्रीको छलफल, डा‍. भट्टराई भन्छन्, ‘सल्लाह त दिइयो आगे प्रमको जो मर्जी’

वैशाख २५, २०७५ मंगलबार १९:२५:५३ | उज्यालो सहकर्मी

काठमाडौं, वैैशाख २५ – प्रधानमन्त्री निवास बालुवाटारमा प्रधानमन्त्री केपी शर्मा ओलीले पूर्व प्रधानमन्त्रीहरुसँग सरकारको नीति तथा कार्यक्रमका विषयमा मंगलबार छलफल गर्नुभएको छ ।

मंगलबार बिहान आयोजित छलफलमा अव्यस्थित बसोबासलाई कसरी व्यवस्थित गर्ने भन्ने बारेमा छलफल भएको प्रधानमन्त्री कार्यालयले जनाएको छ । प्रधानमन्त्री ओलीले अव्यवस्थित बसोबास विकासको वाधक भएकोले त्यसलाई व्यवस्थित गर्न बस्तीहरु स्थानान्तरण गर्नुपर्ने प्रस्ताव गर्नुभएको थियो ।

यसैगरी भू–उपयोग सम्बन्धी नीति पनि बनाउनु पर्ने पूर्व प्रधानमन्त्रीहरुले सुझाव दिनुभएको छ । बैठकमा पूर्वप्रधानमन्त्री माधवकुमार नेपाल, पुष्पकमल दाहाल, शेरबहादुर देउवा, बाबुराम भट्टराई, लोकेन्द्रबहादुर चन्द र मन्त्रिपरिषदका पूर्व अध्यक्ष खिलराज रेग्मीको सहभागिता थियो ।

View image on Twitter

Baburam Bhattarai ✔@brb1954

प्रम ओलीको आग्रहमा पूर्व प्रमहरूलेआसन्न बजेट र भारतीय प्रमको नेपाल भ्रमणवारे आआफ्ना गच्छे अनुसार सल्लाहसुझाव दिइयो!निर्वाचित जनप्रतिनिधिहरूलाई बजेट निर्माण प्रक्रियामा सक्रिय सहभागी बनाउनुपर्ने तर तजबिजी रकम दिननहुने सुझाब दिइयो। आगे प्रमको जो मर्जी!

2:29 PM - May 8, 2018

भेटघाटको प्रतिक्रिया दिँदै पूर्व प्रधानमन्त्री बाबुराम भट्टराईले ट्वीटमा आफूहरुले प्रधानमन्त्री ओलीलाई गच्छे अनुसारको सल्लाह–सुझाव दिएको जनाउनुभएको छ । उहाँले बजेट निर्माणको छलफलमा जनप्रतिनिधिलाई सक्रिय सहभागिता गराउन आग्रह गर्दै तजबिजी रकम दिन नहुने सुझाव दिएको उल्लेख गर्नुभएको छ ।

माघ २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

पूर्व प्रधानमन्त्रीहरुसँग प्रधानमन्त्रीको छलफल, डा‍. भट्टराई भन्छन्, ‘सल्लाह त दिइयो आगे प्रमको जो मर्जी’

तपाईको प्रतिक्रिया