नेपाललाई चाहिने आधा औषधि विदेशबाट आयात

फागुन २०, २०८१ मंगलबार ९:४६:५४ | उज्यालो सहकर्मी

काठमाण्डौ – नेपाललाई आवश्यक पर्नेमध्ये करिब आधा औषधिहरु आयात हुने गरेको औषधि व्यवस्था विभागले जनाएको छ ।

विभागका सूचना अधिकारी एवम् वरिष्ठ औषधि व्यवस्थापक प्रमोद केसीले नेपाललाई आवश्यक पर्नेमध्ये ५० प्रतिशत औषधि भारत तथा तेस्रो देशबाट आयात हुने गरेको बताउनुभयो ।

सामान्य भिटामिनहरु, ईन्जेक्सन, एन्टीडाईबेटिक, नार्कोटिक, साईक्रोटिकजस्ता औषधि नेपालमा उत्पादन हुने गरेको केसीले उज्यालोलाई जानकारी दिनुभयो । दम, क्यान्सरजस्ता दीर्घ तथा गम्भीर रोगका लागि आवश्यक पर्ने औषधिहरु भने विदेशबाट आयात गर्ने गरिएको छ ।

नेपालमा करिब ८ हजार किसिमका औषधि उत्पादन भइरहेका छन् । करिब ९ हजार किसिमका औषधिहरु आयात भइरहेको औषधि व्यवस्था विभागको तथ्याङ्क छ । कच्चा पदार्थ, प्रविधि र उपकरण बाहिरबाट ल्याउनु पर्ने कारण औषधि उत्पादनमा समस्या हुने गरेको विभागको बुझाइ छ ।

नेपालमा उत्पादन हुने औषधिका लागि ८० प्रतिशत कच्चा पदार्थ भारत र २० प्रतिशत चीनबाट आयात हुने गरेको छ । उत्पादक कम्पनीहरुले एउटै प्रकारका औषधि उत्पादनमा जोड दिँदा आयात बढेको अनुमान छ ।

अन्तिम अपडेट: फागुन २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्