घरमा पैसा पठाउँदा युएईमा ९ जना नेपालीले पाए ९० ग्राम सुन उपहार

पुष २७, २०७५ शुक्रबार ११:७:३२ | उमाकान्त पाण्डे

युएई – युएईबाट नेपाल पैसा पठाउँदा ९ जना नेपालीले ९० ग्राम सुन उपहार पाएका छन् । युएईको अल अहलिया एक्सचेन्जले सञ्चालन गरेको ‘विन्टर सिजन’ अन्तर्गतको योजनामा ९ नेपालीले सुन उपहार पाएका हुन् ।

बिजेन्द्रप्रसाद मण्डल, टिकाराम श्रेष्ठ, दीक्षित पोखरेल, विजयकुमार झा, खिमबहादुर गैरे, भिमबहादुर महत, तासी शेर्पा, रवि सहानी र सुजन तामाङले प्रतिव्यक्ति १० ग्राम तौलको सुनको सिक्का उपहार पाएका छन् ।।

विन्टर योजना अन्तर्गत एक्सचेन्जमार्फत रेमिट्यान्स पठाउनेमध्ये हरेक साता गरिएको लक्की ड्रमार्फत उहाँहरुले सुन उपहार पाउनु भएको हो । गएको नोभेम्बर ७ देखि जनवरी ६ सम्म विन्टर योजना सञ्चालन गरिएको थियो ।

यस योजना अन्तर्गत हरेक हप्ता १ जनालाई १० ग्राम र मेघा पुरस्कारमा एकजनालाई १ किलो सुन उपहार राखिएको थियो । १ किलो सुन भने भारत कोलकाताका सन्जित मण्डलले पाएका छन् ।

बिहीबार रसअल खेमा शाखामा एक कार्यक्रमकाबीच जित्नेलाई उपहार हस्तान्तरण गरिएको एक्सचेन्जका नेपाल विभाग प्रमुख बेनीमाधब ढकालले जानकारी दिनुभयो । एक्सचेन्जले हरेक वर्ष दुई पटक ग्राहक लक्षित योजना ल्याउने गरेको छ ।

गएको वर्षको समर योजनामा ईलाम सन्दकपुरका नरेन्द्र मगरले १ किलो सुन उपहार पाउनु भएको थियो । वैदेशिक रोजगारीमा कमाएको रकमलाई सुरक्षित र वैधानिक तरिकाले स्वदेशमा पठाउन एक्सचेन्जले जोड दिँदै आएको र त्यसरी पैसा पठाउँदा धेरै नेपालीले उपहार पाउने गरेको सेन्चुरी रेमिट युएई प्रमुख प्रकाश पौडेलले बताउनुभयो ।

अन्तिम अपडेट: मंसिर ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्