केयरगिभरको संख्या बढाउन इजरायल सकारात्मक

माघ १, २०७५ मंगलबार १७:०:५५ | उज्यालो सहकर्मी

काठमाण्डौ – श्रम रोजगार तथा सामाजिक सुरक्षा मन्त्री गोकर्ण विष्टले केयरगिभरको संख्या थप गर्न इजरायलसँग आग्रह गर्नुभएको छ ।

मंगलबार नेपालका लागि इजरायली राजदूत एच इ बेन्नी ओमेरसँग भएको भेटमा इजरायलमा कृषि र पर्यटन र रोजगारीको क्षेत्रमा सहयोग आदानप्रदान गर्ने पर्याप्त सम्भावना रहेको भन्दै केयरगिभरको संख्या थप गर्न अनुरोध गर्नुभएको हो ।

राजदूत ओमेरले नेपाली कामदार मेहनती, इमान्दार र अनुशासित भएको कारण कामदारहरुको स‌ंख्या बढाउन इजरायल सरकार सकारात्मक रहेको बताउनुभएको छ ।

राजदूत ओमेरले इजरायलबाट फर्किंएका युवाले त्यहाँको कृषि प्रविधिको प्रयोग गरी विभिन्न व्यवसाय सञ्चालन गरेकोमा खुशी हुँदै इजरायलको विकासमा नेपाली कामदारले पुर्‍याएको योगदानको चर्चा गर्नुभएको श्रम रोजगार तथा सामाजिक सुरक्षा मन्त्रालयले जनाएको छ ।

मन्त्री विष्टले श्रम सम्बन्धको माध्यमबाट नेपाल र इजरायलबीचको दुई पक्षीय सम्बन्धलाई अझै प्रगाढ बनाउन सकिने विश्वास पनि व्यक्त गर्नुभएको छ ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्