सुदूरपश्चिममा ‘टुर डे फारवेष्ट’ साइकल यात्रा

फागुन २३, २०७५ बिहीबार १९:३१:२८ | निर्मला खडायत

कैलाली - कैलालीमा बिहीबारदेखि टुर डे फारवेष्ट नाम दिइएको साइकल यात्रा सुरु भएको छ ।

साइकल यात्रामा सहभागिता जनाउन आएका विश्व साइकल यात्री पुष्कर शाहले सुदूरपश्चिममा साइकल यात्राको माध्यमले पनि आन्तरिक पर्यटकहरु भित्र्याउन सकिने बताउनुभयो ।

उहाँले साइकल यात्राले विभिन्न जिल्लाका साइकल यात्रीबीच एकताको भावना जगाएको अभिव्यक्ति दिँदै सुदूरपश्चिम सुदूर नभएर सुन्दर भएको बताउनुभयो ।

सुदूरपश्चिमलाई साइकल पर्यटनको रुपमा विकास गर्न र नेपाल पर्यटन वर्ष २०२० लाई सहगोग पुर्याउन बिहीबारदेखि साइकल यात्रा सुरु भएको हो ।

यसैे क्रममा फागुन २३ गते धनगढीका पर्यटकीय स्थल फिस रिसोर्ट, जाखौर ताल, शिवपुरी धाम लगायतको अवलोकन गरिएको छ ।

फागुन २४ गते बिहान धनगढी रंगशालाबाट साइकल यात्राको औपचारिक सुरुवात गरिने युथ स्पोर्टस क्लब धनगढी अध्यक्ष सुरेन्द्र शाहीले जानकारी दिनुभयो ।
तीन दिने साइकल यात्राले सुदूरपश्चिमका पर्यटकीय स्थलको प्रचारप्रसारमा महत्वपूर्ण भुमिका खेल्ने उहाँको भनाइ छ ।

नेपाल पर्यटन वर्ष २०२० लाई मध्यनगर गर्दै सुदूरपश्चिममा दुईदिने साइकल यात्रा सञ्चालन गर्न लागेको सुदूरपश्चिम साइकल यात्रा २०७५ का संयोजक टेकराज पनेरुले बताउनुभयो ।

सुदूरपश्चिममा पर्यटकीय सम्भावना बोकेका ठाउँहरुको प्रचारप्रसारका लागि साइकल यात्राले महत्वपूर्ण भूमिका निर्वाह गर्ने उहाँले बताउनुभयो ।
साइकल यात्रामा कैलाली सहित नेपालका अन्य जिल्लाका व्यक्तिहरुको पनि सहभागिता रहेको छ ।

साइकल यात्रीको खान, बस्नदेखि लिएर सुरक्षाको जिम्मेवारी युथ स्पोर्टस क्लब धनगढीले लिएको आयोजक टिमका भरत शाही बताउनुहुन्छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

निर्मला खडायत

खडायत कैलालीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्