प्रदेश ५ : प्रतिपक्षबिना नै प्रदेशसभा बैठक सञ्चालन

असार १३, २०७५ बुधबार १७:४९:६ | उज्यालो सहकर्मी

रुपन्देही – प्रदेश नम्बरको ५ को प्रदेशसभा बैठक विपक्षीको उपस्थितिबिना नै सञ्चालन भएको छ ।

सरकारले प्रदेशसभामा प्रस्तुत गरेको आगामी आर्थिक वर्षको बजेटप्रति असन्तुष्टि जनाउँदै दल नेपाली कांग्रेसले बजेटको विनियोजन विधेयकमाथिको छलफलमा भाग नलिई बाहिरिए पनि प्रदेशसभा बैठक सञ्चालन भएको हो । प्रतिपक्षी दल नेपाली कांग्रेसको विरोधमा हिजो स्थगित भएको प्रदेशसभा बैठक आज भने विपक्षीबिना नै बसेको हो ।

सत्तापक्षले सहमतिमा आएर विनियोजन विधेयकमाथिको छलफलका लागि विपक्षीलाई बैठकमा उपस्थित हुन आग्रह गरे पनि प्रतिपक्षी कांग्रेस आफ्ना माग सम्बोधन नगरेको भन्दै बैठकबाट बाहिरिएको हो । सभामुख पूर्णबहादुर घर्तीले प्रतिपक्षबिना नै प्रदेशसभा बैठक सञ्चालन गर्नुभएको थियो ।

प्रदेशसभाबाट बाहिरिएपछि प्रमुख प्रतिपक्षी कांग्रेसका संसदीय दलका नेता बलदेव शर्मा पोखरेलले सत्ता पक्षले बहुमतको आडमा प्रतिपक्षी दललाई अवमूल्यन गरी प्रतिपक्षबिनै संसद् बैठक सञ्चालन गरेर संसदीय अभ्यासको खिल्ली उडाएको आरोप लगाउनुभयो ।

अन्तिम अपडेट: माघ २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्