उत्तर कोरियाली भूमिमा पाइला टेक्दा कोरियाली नागरिकका आँखा रसाए : ट्रम्प

असार १६, २०७६ सोमबार १४:२४:२५ | एजेन्सी

अमेरिकी राष्ट्रपति डोनाल्ड ट्रम्पले आफूले उत्तर कोरियामा पाइला टेक्दा कोरियाली नागरिकका आखाँ आँसुले भरिएको बताएका छन् ।

उत्तर कोरियाली नेता किम जोङ उनसँगको भेटपछि ओसान एअर बेसमा अमेरिकी सैनिकसँगको कुराकानीमा अमेरिकी राष्ट्रपति ट्रम्पले भने, ‘मैले उत्तर कोरियाली भूमिमा पाइला टेकेँ, उनीहरु यसलाई ऐतिहासिक क्षण मान्दछन् । थुप्रै कोरियाली नागरिकको आँखा आँसुले भरिएको मैले देखेँ ।’ अमेरिकी राष्ट्रपति ट्रम्पले उत्तर कोरियाली नेता किमलाई ह्वाइट हाउसमा आउन निमन्त्रणा गर्ने योजनामा रहेको सञ्चार माध्यमले जनाएका छन् ।

उत्तर कोरिया र दक्षिण कोरियाको गैरसैन्य क्षेत्र (डीएमजेड) मा अमेरिकी राष्ट्रपति ट्रम्प र उत्तर कोरियाली नेता किमले संक्षिप्त भेट गरेका हुन् । योसँग डोनाल्ड ट्रम्प उत्तर कोरियाली भूमिमा पाइला टेक्ने पहिलो अमेरिकी राष्ट्रपति बनेका छन् । ट्रम्प किमसँग भेटेसँगै आइतबार अमेरिका फर्किएका छन् ।

जी–२० शिखर सम्मेलनका लागि जापानको ओसाका आएका ट्रम्पले अचानक उत्तर कोरियाली नेता किमलाई भेटेपछि विश्वका सञ्चार माध्यमले प्राथमिकताका साथ समाचार प्रकाशन तथा प्रसारण गरेका छन् । तर अमेरिकी सञ्चार माध्यममा भने मिश्रित खालका प्रतिक्रिया आइरहेका छन् ।

अमेरिकी अखबार ‘न्यूयोर्क टाइम्स’ले ट्रम्प–किम भेटवार्तालाई ‘ठूलो नाटक’ को संज्ञा दिएको छ । डोनाल्ड ट्रम्प र किम जोङ उनबीच यसअघि पनि दुई पटक भेटवार्ता भैसकेको छ । पहिलो पटक उनीहरु गएको वर्ष जुन १२ मा सिंगापुरमा भेटेका थिए । दोस्रो पटकको भेट भने यसै वर्षको फेब्रुअरी २७ मा भियतनामको हनोईमा भएको थियो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्