‘म्यान भर्सेस वाइल्ड’ मा भारतीय प्रधानमन्त्री नरेन्द्र मोदी !

साउन १३, २०७६ सोमबार १७:३४:४३ | एजेन्सी

डिस्कभरी टेलिभिजन च्यानलको चर्चित शो ‘म्यान भर्सेस वाइल्ड’ मा भारतीय प्रधानमन्त्री नरेन्द्र मोदी देखिने भएका छन् ।

विश्व बाघ दिवसका अवसरमा टेलिभिजन शोका स्टार बेयर ग्रिल्सले आफ्नो ट्विटर एकाउण्टमार्फत आउँदो अगस्ट १२ मा प्रसारण हुने कार्यक्रममा भारतीय प्रधानमन्त्री नरेन्द्र मोदी विशेष भूमिकामा देखिएको जानकारी दिएका छन् ।

ग्रिल्सले जानकारी दिएअनुसार कार्यक्रममा भारतीय प्रधानमन्त्री नरेन्द्र मोदीसँग वन्यजन्तु संरक्षणका उपायहरुका बारेमा विशेष कार्यक्रमको छायाकंन गरिएको हाो । कार्यक्रममा चर्चित कार्यक्रम प्रस्तोता ग्रिल्ससँग भारतीय प्रधानमन्त्री मोदीले भारतीय प्राकृतिक विविधता र प्रकृति संरक्षणका बारेमा चर्चा गरेका छन् ।

— Bear Grylls (@BearGrylls) July 29, 2019

बेयर ग्रिल्सले ट्वीटमा लेखेका छन्, ‘१८० देशका नागरिकले छिट्टै नै प्रधानमन्त्री मोदीको फरक पाटो देख्न पाउनेछन् । प्रधानमन्त्री मोदीले वन्यजन्तु संरक्षणका लागि जागरुकता अभियान र वातावरणीय परिवर्तनका बारेमा कुरा गर्दै हुनुहुन्छ । अगस्ट १२ मा बेलुका ९ बजे म्यान भर्सेस वाइल्डमा प्रधानमन्त्री नरेन्द्र मोदीसँगको विशेष कार्यक्रम नछुटाउनुहोला ।’ उनले #PMModionDiscovery लेखेका छन् ।

#PMModionDiscovery लेख्दै भारतीय प्रधानमन्त्रीले जैविक संरक्षणमा देखाएको तदारुकताको धेरैले प्रशंसासमेत गरेका छन् ।

फरक भूमिकामा मोदी

ग्रिल्सले सार्वजनिक गरेको टिजरमा भारतीय प्रधानमन्त्री नरेन्द्र मोदीलाई विशेष भूमिकामा देख्न सकिन्छ । स्पोर्ट्स ड्रेस अपमा रहेका मोदी ग्रिल्ससँग डुङ्गामा नदी तर्दै वन्यजन्तुका बारेमा कुरा गरिरहेका छन् ।

त्यस्तै मोदी ग्रिल्ससँगै जंगल र पहाड उक्लँदै गरेका छन् । शिकार तथा अन्य कामका लागि ग्रिल्सले जंगलमा उपलब्ध स्रोत साधनको सहयोगमा उपकरण बनाउँदै गरेका दृश्य पनि सार्वजनिक भएका छन् ।

ग्रिल्सको शोमा ओबामा पनि आइसकेका छन्

डिस्कभरी च्यानलमा प्रसारित हुने कार्यक्रम ‘म्यान भर्सेस वाइल्ड’ विश्वकै चर्चित टेलिभिजन शो हो । यस शोमा विश्वका कैयौँ चर्चित हस्ती समेत सहभागी भैसकेका छन् । यो कार्यक्रम विश्वका धेरै भाषामा रेकर्डसमेत गरिन्छ ।

ग्रिल्सको शोमा अमेरिकी राष्ट्रपति रहेका बेला बाराक ओबामा पनि सहभागी भैसकेका छन् । ओबामा र ग्रिल्स अलास्काको जंगलमा यात्रा गर्दै जलवायु परिवर्ततन, प्राकृतिक संसाधन तथा वन्यजन्तु संरक्षणका बारेमा चर्चा गरेका थिए ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्