मेक्सिको: बलात्कारको घटना अनुसन्धानका क्रममा ६ प्रहरी अधिकारी निलम्बित

साउन २९, २०७६ बुधबार २०:४३:५७ | एजेन्सी

मेक्सिकोकाे राजधानी मेक्सिको सिटीमा यो महिनाको सुरुवातमा दुई जना किशोरीको बलात्कार घटनाको अनुसन्धानका क्रममा ६ जना प्रहरी अधिकारीलाई निलम्बित गरिएको छ ।

न्यायको माग गर्दै ३०० मानिसहरु सडकमा उत्रिएको भोलिपल्ट मेयर क्लाउडियो शेनबामले यस्तो घोषणा गरेकी हुन् । प्रदर्शनमा सहभागी महिलाहरुले ‘उनीहरुले हामीलाई रक्षा गरेनन्, हाम्रो बलात्कार गरे’ नारा लगाएका थिए ।

पहिलो घटना गएको अगष्ट ३ तारिखका दिन एक १७ वर्षीया किशोरीले चार जना प्रहरीले बलात्कार गरेको बताएकी थिइन् । त्यस्तै दोस्रो घटनामा एक १६ वर्षीया किशोरीले पहिलो घटनाको केही दिनपछि एक जना प्रहरीले बलात्कार गरेको बताएकी थिइन् ।

गएको बिहीबार दोस्रो बलात्कारको घटनामा संलग्न भएको आशंकामा प्रहरी अधिकारीलाई पक्राउ गरिएको थियो । पहिलो बलात्कारको घटनालाई लिएर भने अहिलेसम्म कसैलाई पनि पक्राउ गरिएको छैन ।

‘दण्डहीनता हुने छैन र कुनै पनि किसिमको दोषारोपण हुने छैन’, मेक्सिको सिटीकी पहिलो महिला मेयर शेनबामले ट्विटरमा एउटा भिडियो पोस्ट गर्दै भनेकी छिन् । उनले ६ जना प्रहरी अधिकारीलाई किन निलम्बित गरियो भन्ने बारेमा केही बताएकी छैनन् ।

गएको सोमबारको प्रदर्शनलाई ‘उत्तेजक’ को संज्ञा दिएपछि विवादित बनेकी मेयरले अधिकारीहरुले शहरलाई ‘महिलाहरुको सुरक्षित ठाउँ’ बनाउने रणनीति कार्यान्वयन गर्न अधिकार समूहसँग काम गरिरहेको बताएकी छिन् ।

‘महिला र केटीहरुमाथि हुने हिंसा अस्वीकार्य छ । म यो सहन सक्दिन’, मेयरले भनिन् । साथै उनले महिला हिंसाविरुद्ध मुद्दा दर्ता गर्ने प्रक्रिया लामो भएको हुनाले त्यसलाई परिवर्तन गरिनुपर्ने बताएकी छिन् ।

मेक्सिकोमा महिलाविरुद्धको हिंसा व्याप्त छ र संयुक्त राष्ट्रसंघले दैनिक ९ जना मारिने गरेको आकलन गरेको छ । मेक्सिकोमा बलात्कारको घटना दर्ता गरिएको तथ्यांक कम छ किनभने पीडित समूह भन्छन्, ‘हामीलाई प्रहरीसँग कम विश्वास छ ।’

इंग्ल्याण्ड र वेल्समा प्रहरीले सन् २०१८/२०१९ मा झण्डै ६० हजार बलात्कारका घटना दर्ता गरेको छ भने मेक्सिकोमा यही अवधिमा ९ हजारभन्दा कम बलात्कारका घटना दर्ता भएका छन् ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्