घरेलु कामदारबारे बहुपक्षीय छलफल गरेर निर्णय लिइने

 साउन २९, २०७६ बुधबार १८:४२:२५ | उज्यालो सहकर्मी

काठमाण्डौ – प्रतिनिधि सभाको उद्योग तथा वाणिज्य र श्रम तथा उपभोक्ता हित समितिले घरेलु कामदारबारे बहुपक्षीय छलफल गर्ने निर्णय गरेको छ । 

समितिको बुधबार बसेको बैठकमा बोल्ने धेरै सांसदहरुले वैदेशिक रोजगारीमा जाने घरेलु कामदारको सम्बन्धमा गृह तथा परराष्ट्र मन्त्रालयसमेत जिम्मेवार हुनुपर्ने विषय उठाएपछि समितिले बहुपक्षीय छलफल गर्ने निर्णय गरेको हो ।

समितिले श्रम मन्त्रालयसँगै गृह र परराष्ट्र मन्त्रालय तथा राष्ट्रिय मानव अधिकार आयोग, राष्ट्रिय महिला आयोग र संघीय संसदको महिला समितिसँग छलफल गर्ने भएको छ । 

घरेलु कामदारको रुपमा वैदेशिक रोजगारीमा जाने श्रमिकहरुको समस्या एकल नभएर बहुआयामिक भएको भन्दै बहुपक्षीय छलफलपछि मात्र निर्णय लिइने समितिका सभापति बिमलप्रसाद श्रीवास्तवले बताउनुभयो ।

घरेलु काममा जोखिम भएको भन्दै समितिले नै खाडी लगायतका देशमा  घरेलु कामदार पठाउन रोकेको थियो । श्रम, रोजगार तथा सामाजिक सुरक्षा मन्त्रालयको जिम्मेवारी सम्हालेलगत्तै मन्त्री गोकर्ण विष्टले घरेलु काममा रहेकाहरुलाई पुनः श्रम स्वीकृति दिने तयारी गर्नुभएको थियो ।

तर संसदीय समितिले बन्देज लगाएका कारण उहाँले आफ्नो निर्णय कार्यान्वयन गर्न सक्नुभएको छैन । बुधबारको बैठकमा मन्त्री विष्ट उपस्थित हुन नसकेपछि मन्त्रालयका सचिव महेश प्रसाद दहाल उपस्थित हुनुहुन्थ्यो ।

उहाँले वैधानिक बाटोबाट गएका र सम्मानपुर्वक काम गरिरहेका श्रमिकलाई मात्र भए पनि घर आउने बाटो खोल्नु पर्ने आवश्यकता रहेको बताउनुभयो ।
 

अन्तिम अपडेट: पुस ५, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • Purna babadur

    Aug. 14, 2019, 6:53 p.m.

    गुड येा काम छिटेा गर्नु पर्छ

  •  0 Reply

तपाईको प्रतिक्रिया

समाचार

लोकप्रिय

१

ग्वार्को फ्लाईओभरको ठेकेदार कम्पनीले आजदेखि सरकारलाई जरीवाना तिर्नुपर्ने

२

पनामा नहर नियन्त्रणमा लिने अमेरिकी नवनिर्वाचित राष्ट्रपति ट्रम्पको चेतावनी

३

भक्तपुरमा बाबु र भाइको हत्या स्वीकार गर्दै मिलनले गरे प्रहरीमा आत्मसमर्पण

४

रवि लामिछाने सांसद पदबाट निलम्बित

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई