मलेसियाको रोजगारी खुलाउन बसेको प्राविधिक कमिटीको बैठक लम्बियो

भदौ २५, २०७६ बुधबार १९:१८:२१ | उज्यालो सहकर्मी

काठमाण्डौ – मलेसियाको रोजगारी खुलाउन मलेसियामा बसेको दुई देशका प्राविधिक कमिटीको बैठक लम्बिएको छ । मलेसियामा मंगलबार र बुधबार बसेको बैठक टुंगोमा पुग्न नसकेपछि बिहीबार फेरि बैठक बस्ने भएको हो ।

मलेसियास्थित पुत्राजयमा मंगलबारदेखि सुरु भएको बैठकमा नेपालको तर्फबाट श्रम, रोजगार तथा सामाजिक सुरक्षा मन्त्रालयका सहसचिव रामप्रसाद घिमिरेको नेतृत्वको टोली र मलेसियाका उच्च अधिकारी सहभागी छन् ।

बैठकमा दुवै देशबीच यसअघि भएको श्रम समझदारीपछि बाँकी रहेको प्राविधिक विषय टुङ्गाउने बारेमा छलफल भए पनि टुंगो लाग्न सकेको छैन ।

यो बैठकले मलेसिया रोजगारीका सम्बन्धमा देखिएको अन्योल अन्त्य गर्ने श्रममन्त्री गोकर्ण विष्टले यसअघि नै बताइसक्नुभएको छ । दुई देशबीच भएको श्रम समझदारी लामो समय भइसक्दा पनि केही प्राविधिक विषय टुङ्गो नलाग्दा मलेसियाको रोजगारी खुल्न सकेको छैन ।

मलेसिया जाने श्रमिकको स्वास्थ्य परीक्षणका लागि १ सय २२ वटा स्वास्थ्य संस्था सूचीकृत भइसकेका छन् । मलेसिया जाने नेपाली श्रमिकमाथि स्वास्थ्य परीक्षणका नाममा हुँदैआएको आर्थिक शोषण अन्त्य गर्न २०७५ जेठ २ गतेदेखि मलेसियाको रोजगारी बन्द भएको थियो ।

मलेसिया रोजगारीका नाममा ठगी गर्ने बायोमेट्रिक, भीएलएन, माइग्राम, आईएससी, ओएससीजस्ता संस्थालाई कारबाही गरेपछि मलेसियाको रोजगारी बन्द भएको हो । कलिङ भिसा आएका व्यक्तिका लागि भने श्रम स्वीकृति खुला भैसकेको छ ।

अन्तिम अपडेट: पुस ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्