आप्रवासी कामदारको अधिकारबारे काठमाण्डौमा अन्तर्राष्ट्रिय सम्मेलन हुने

असोज ८, २०७६ बुधबार १५:२२:४५ | उज्यालो सहकर्मी

काठमाण्डौ – आप्रवासी कामदारको मानव अधिकार संरक्षणको विषयमा आउँदो कात्तिकमा काठमाण्डौमा अन्तर्राष्ट्रिय सम्मेलन हुने भएको छ ।

वैदेशिक रोजगारीका क्रममा हुने मानव अधिकार सम्बन्धी समस्याको समाधान गर्ने उद्देश्यले कात्तिक २६ देखि २८ गतेसम्म अन्तर्राष्ट्रिय सम्मेलन हुने सम्मेलनका संयोजक तथा नेपाल मानवअधिकार आयोगका सदस्य सुदीप पाठकले बताउनुभयो ।

सम्मेलनमा दक्षिण एशिया, एशिया प्रशान्त क्षेत्र, अफ्रिका, दक्षिण अमेरिका र युरोप क्षेत्रका राष्ट्रिय मानवअधिकार आयोगका प्रमुख आयुक्तहरुको सहभागिता रहनेछ । यस्तै राष्ट्रिय मानव अधिकार संस्थाहरुको विश्व सञ्जालका प्रमुख, गन्तव्य देशका सरकारी निकायका प्रतिनिधि, गैरसरकारी संस्थाका प्रतिनिधि र आप्रवासन क्षेत्रका विज्ञहरुको पनि सहभागिता रहनेछ । सम्मेलनमा ३२ देशबाट अन्तर्राष्ट्रिय संस्थाका प्रतिनिधिहरुको सहभागिता रहने आयोगले जनाएको छ ।

आप्रवासी कामदारको व्यवस्थापन तथा प्रशासन, स्वच्छ एवं जिम्मेवार भर्ना प्रक्रिया, अनियमित आप्रवासन एवं मानव बेचबिखनका समस्या, आप्रवासी महिला कामदारको सुरक्षा र चुनौतीका तथा न्यायमा सुनिश्चितता लगायतका विषयमा छलफल हुने पाठकले जानकारी दिनुभयो ।

नेपाल तथा दक्षिण एसियाबाट लाखौँको संख्यामा कामदारहरु खाडी लगायतका अरु देशहरुमा रोजगारीको लागि जाने गरेको अवस्थामा उनीहरुका साझा समस्यालाई यस सम्मेलनले सम्बोधन गर्ने अपेक्षा गरिएको छ ।

सम्मेलनले काठमाण्डौ घोषणापत्र जारी गर्नेछ ।

अन्तिम अपडेट: पुस ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्