चितवनमा धान उत्पादन घट्यो
मंसिर ६, २०८१ बिहिबार
चर्को शुल्क बढ्दा पनि विरोध नभएकोमा छक्क परेका छौँ : बोहोरा
इन्टरनेट आजदेखि १३ प्रतिशत महंगो
सरकारले इण्टरनेटको कर बढाएपछि मंगलबारदेखि इण्टरनेट सेवा १३ प्रतिशत महंगो भएको छ । इन्टरनेट सेवामा छुट खारेज गरेर १३ प्रतिशत टेलिकम सेवा शुल्क थप गरेपछि इण्टरनेट प्रदायकले पनि त्यसै अनुसार इण्टरनेट महंगो बनाएका छन् । आजदेखि नै टेलिफोन स्वामित्व शुल्क लाग्ने व्यवस्थाअनुुसार नयाँ टेलिफोन लाइन जडान गर्ने ग्राहकले १ हजार रुपैयाँ थप शुल्क तिर्नुपर्नेछ ।
पाइलैपिच्छे करको भारी बोक्नुपरेपछि उपभोक्ता हैरान भएका छन् । इन्टरनेट सेवामा कर लगाइएको र उपभोक्ताले पनि महँगो शुल्क तिर्नुपरेको विषयमा अर्जुन पोख्रेलले इन्टरनेट सेवा प्रदायक संघ आइएसपिएनका पूर्वअध्यक्ष तथा इन्टरनेट सेवा प्रदायक कम्पनी भायनेटका प्रमुख विनय वोहोरासँग कुराकानी गर्नुभएको छ ।
इन्टरनेटमा १३ प्रतिशत शुल्क बढाउनुभयो, उपभोक्ता त मारमा परे नी ?
हो, एक दुई प्रतिशत होइन १३ प्रतिशत बढेको छ । उपभोक्ता स्वतः मारमा पर्ने देखिएको छ । तर यो हाम्रो रहर होइन बाध्यता हो । सरकारले नै १३ प्रतिशत शुल्क बढाएपछि हामीले पनि बढाउनै पर्यो । मलाई याद छ एकपटक शिक्षा क्षेत्रमा १ प्रतिशत कर बढ्दा धेरै नै विरोध भएको थियो, ठूलै बहस भएको थियो ।
तर हामीलाई त सरकारले १३ प्रतिशत कर बढाएको छ । बढ्नुभन्दा पहिले नै हामी सञ्चार मन्त्रालय, अर्थ मन्त्रालय लगायतका निकायमा गएर हामीले यो त भएन भनेर भनेका थियौं । सरकारले कुरै सुनेन र कर बढायो हामीले पनि बाध्य भएर उपभोक्तालाई शुल्क बढाएका छौं ।
इन्टरनेट सेवा प्रदायकले त राम्रो नाफा गरिरहेका छन्, सरकारले कर लगाए पनि उपभोक्तालाई केही सहुलियत दिएको भए पनि हुने थिएन र ?
पहिलो कुरा त इन्टरनेट सेवा प्रदायकहरुले नाफा कमाएका छन् भन्नुभयो त्यो साँचो होइन । हामीले हरेक बर्षको कारोबार र नाफा नोक्सान नेपाल दुरसञ्चार प्राधिकरणमा पेश गछौँ, त्यहाँ गएर हेर्दा पनि हुन्छ, हामीले नाफा गरेका छैनौं, नाफा गर्ने केही कम्पनी पनि जम्मा ३÷४ प्रतिशत नाफा लिएर बसेका छन् ।
ब्याण्डविथ बाहेक सबै कुरामा महँगी बढेको छ । त्यै व्याण्डविथबाट पनि हामीले समायोजन गरेर अरु सेवामा अफर दिइरहेका छौं । पहिले इमेल र टेक्ट्स मात्रै चल्नेमा अहिले त भिडियो नै चल्ने इन्टरनेट अनिवार्य भैकसेको छ, त्यसैले हामीलाई नाफा होइन बरु घाटा चाँही छ ।
अर्को कुरा सरकारले १/२ प्रतिशत मात्रै कर लगाएको भए हामीले उपभोक्तालाई किन बढाउने हामी आफै बेहोछौं भनेर पनि सोच्थ्याैँ होला । तर १३ प्रतिशत बढाएपछि दाँयाबाँया गर्ने ठाउँ नै रहेन, सरकारले १३ प्रतिशत बढाउने तर हामीले भाउ नबढाउने हो भने त पसलमा तालाचावी लगाएर हिँडे हुन्छ ।
इन्टरनेट सेवा प्रदायकबीच आफैँमा पनि प्रतिस्पर्धा चर्को छ । विभिन्न अफर ल्याउनैपर्छ । तत्कालको लागि घाटा भए पनि भोली हेरेर मूल्य घटाउनुपरेको छ । अति नै प्रतिस्पर्धा भएकाले इन्टरनेट सेवा प्रदायक घाटामा भएपनि उपभोक्तालाई त फाइदा नै भएको छ ।
अरु देशमा त इन्टरनेट सस्तो छ शुल्क घटिरहेको सुनिन्छ तर हाम्रोमा इन्टरनेट किन यस्तो महँगो ?
झट्ट हेर्दा हाम्रो सेवा महँगो देखिन्छ । तर तपाइँले त एकपटक पैसा तिरेर जोड्नुहुन्छ, त्यसपछिको त सबै जिम्मा हामीले लिएका हुन्छौं, रातदिन नभनी कामदार लगाएर मर्मत गर्न पनि त हामीलाई महँगो नै पर्छ होला नी । जनशक्तिबाहेक सबै कुरा विदेशबाट ल्याएर पनि यत्तिको मूल्यमा इण्टरनेट दिन सकेका छौं हामीले ।
त्यसैले विश्वका धेरै देशभन्दा हाम्रो इन्टरनेट सस्तो नै छ । एक त अप्टिकल फाइवरमार्फत हामीले इन्टरनेट दिएका छौं, जुन विश्वकै महँगो र नम्बर वन प्रविधि हो । तार हामीले नै जोडेका छौं, तार फुस्किएमा हामीले नै बनाएका छौं । मर्मत शुल्क ग्राहकसँगबाट मागेकै छैनौं ।
जापान र अमेरिकाको जस्तो राम्रो सेवा छ भन्दैनौं तर नेपाल जस्तो देशमा यत्तिको मुल्यमा यस्तो राम्रो इन्टरनेट सुविधा दिन सक्नुमा त हामीलाई गर्व नै छ । आजको दिनमा मान्छेले राम्रो स्पीडको इन्टरनेट चाहन्छ, अरु सबै कुरा सहन मान्छे तयार छ तर इण्टरनेट ढिलो भएको सहन तयार छैन ।
यसलाई अझै कम गर्न सरकार मात्र दोषी हो कि तपाइँहरुका पनि कमजोरी छन् ?
महँगो हुनुमा हाम्रोमा भएको जनशक्ति महँगो छ, यो क्षेत्रमा कम मात्रै जनशक्ति छ तर माग धेरै छ, त्यही भएर उनीहरुलाई धेरै पारिश्रमिक दिनुपर्छ । अर्कोकुरा तार विदेशबाट ल्याउनुपर्छ, असाध्यै महँगो शुल्क लाग्छ । व्याण्डविथ पनि विदेशबाटै आउने हो । अहिले त झन झण्डै ३९ प्रतिशत उनिहरुको तलव बढेको छ ।
काठमाडौंको कुरा गर्नुहुन्छ भने कहिलेकाँही त २ सय ठाउँमा तार काटिन्छ मर्मतको लागि कुद्नुपर्छ, रातदिन नभनी कामदारले काम गर्छन्, त्यसको पनि पारिश्रमिक त महँगो नै हुन्छ ।
अब हामी काठमाडौंमा मात्रै सीमित नभइ गाउँगाउँमा नै पुगिरहेका छौं । कमसेकम सरकारले यसलाई व्यापार मात्रै नठानी सामाजिक उत्तरदायित्व ठानेर केहि सहुलियत दिएमा उपभोक्तालाई पनि फाइदै हुने थियो । सरकारले कर बढाउने होइन कि अझै गाउँगाउँमा जाउँ भन्नुपर्यो ।
तपाइँको भनाइले त अब इन्टरनेटको शुल्क घट्न एकदमै गाह्रो छ भन्ने देखियो होइन त ?
हो, मध्यम वर्गले त अहिले पनि जसोतसो चलाइरहेका छन् । तर निम्न वर्गका परिवारको लागि के गर्ने भन्ने विषयमा त सरकारले सोच्नैपर्छ । निम्न वर्गको लागि हामीले केही गथ्र्यौैँ होला, तर हामी नै संघर्ष गरिरहेको अवस्थामा सबै नागरिकसम्म कसरी इन्टरनेट पुर्याउन सकिन्छ भन्ने बारेमा त सरकारले नै सोच्नुपर्छ होला ।
नेपाल उच्च, मध्य र निम्न वर्गीय नागरिक बस्ने देश भएकाले सबैसम्म कसरी इन्टरनेट पुर्याउने भन्ने विषयमा त सरकारले सोच्नै पर्ला ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
1 Comments
समाचार
-
-
अर्घाखाँचीको सन्धिखर्क नगरपालिका र मातहतका कार्यालयमा हट्यो ढड्...
मंसिर ६, २०८१ बिहिबार
-
अलैंचीको मूल्य उच्च विन्दूमा, ४० किलाेकाे एक लाख सात हजार रु...
मंसिर ६, २०८१ बिहिबार
-
पहिलो चौमासिकमा राजस्व सङ्कलन बढ्यो
मंसिर ६, २०८१ बिहिबार
-
दैलेखको दुल्लूमा बोक्सीको आरोपमा एक जनाको हत्या
मंसिर ६, २०८१ बिहिबार
-
काठमाण्डौ उपत्यकामा ३ जना मृत भेटिए
मंसिर ६, २०८१ बिहिबार
-
जलवायु वित्तको आकार नबढे नेपाललगायत अतिकम विकसित देशको लक्ष्...
मंसिर ६, २०८१ बिहिबार
-
मेडिकल कलेज तथा सरकारी अस्पताललाई शुल्क विवरण सार्वजनिक गर्न ...
मंसिर ६, २०८१ बिहिबार
-
नेपाल एअरलाइन्सको अन्तर्राष्ट्रिय भाडादरमा छुट
मंसिर ६, २०८१ बिहिबार
-
रुसले युक्रेनमा पहिलो पटक अन्तरमहादेशीय ब्यालेस्टिक क्षेप्यास्त्र...
मंसिर ६, २०८१ बिहिबार
-
नेपाली युवा टाेलीले जित्याे कर्नाटकसँगको पाँच खेलको शृङ्खला
मंसिर ६, २०८१ बिहिबार
-
राष्ट्रपतिद्वारा भारतीय सेनाध्यक्षलाई ‘मानार्थ महारथीको दर्ज्यानी...
मंसिर ६, २०८१ बिहिबार
-
वैदेशिक रोजगारीमा हङ्गेरी र माल्टा पठाइदिने भन्दै १९ लाख रुप...
मंसिर ६, २०८१ बिहिबार
-
सडक तथा खोलाको मापदण्ड खारेज गर्न माग गर्दै काठमाण्डौमा प्रदर्शन
मंसिर ६, २०८१ बिहिबार
विचार
-
अमेरिकामा डोनाल्ड ट्रम्प राष्ट्रपति भएर नेपालसँगको सम्बन्धमा खास...
कात्तिक २४, २०८१ शनिबार
-
जलवायु परिवर्तनप्रति सचेत छठ पर्वको वैज्ञानिक र पर्यावरणीय महत्त्व
कात्तिक २१, २०८१ बुधबार
-
डेङ्गी सङ्क्रमणको उच्च जोखिम कात्तिक मसान्तसम्म
कात्तिक २१, २०८१ बुधबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
binod karki
July 17, 2018, 10:38 a.m.नेपालमा आम नागरिकको पहुँचवाट टाढा छ नेट सेवा , त्यसैले सुपथ भएको खण्डमा सर्वसाधारणको पनि पहुँच हुनेथियो /