चोरीको आरोपमा नेपाली सुरक्षा गार्डलाई दुःख दिने मलेसियन प्रहरीमाथि अनुसन्धान हुने

कात्तिक १७, २०७६ आइतबार १३:५४:२९ | उज्यालो सहकर्मी

काठमाण्डौ – चोरी गरेको आरोप लगाएर नेपाली सुरक्षा गार्डलाई आठ दिनसम्म थुनामा राख्ने मलेसियन प्रहरीमाथि अनुसन्धान हुने भएको छ ।

बुकिट अमन्स इन्टिग्रिटी एण्ड स्टयण्डर्ड कम्प्लियन्स डिपार्टमेन्ट (जेआईपीएस)ले चोरीको आरोपमा दुईजना नेपाली सुरक्षा गार्डलाई दुःख दिने प्रहरीमाथि नै जाँच गर्न लागेको त्यहाँको स्थानीय अनलाइन ‘द स्टार’ले जनाएको छ ।

प्रहरी महानिरीक्षक तनश्री

अक्टोबर १६ मा सेरेबान नजिकै नेग्रि सेम्बिलन हाउजिङ स्टेटमा चोरी भएको थियो । त्यहाँको प्रहरीले चोरीमा संलग्न रहेको आरोपमा दुई जना नेपाली सुरक्षा गार्डलाई थुनामा राखेको थियो ।

प्रहरी महानिरीक्षक तनश्री अब्दुल हमिद बदोरले यदि यो घटना भएको भए त्यसमा संलग्न प्रहरी विरुद्ध नै कारबाही हुने बताउनुभएको छ ।

‘यदि यो सत्य हो भने, म पक्कै पनि त्यसमा संलग्न व्यक्तिलाई कारबाही गरेरै छाड्नेछु’, उहाँले भन्नुभयो, ‘मैले घटनामाथि तत्कालै अनुसन्धान गर्न जेआईपीएसलाई निर्देशन दिइसकेको छु ।’

मलेसियाकिनी पत्रिकामा पत्रकार आर नदेश्वरनले चोरीमा संलग्न रहेको आरोपमा ३७ र ४० वर्षका दुईजना नेपाली सुरक्षा गार्ड पक्राउ परेको भन्दै समाचार छापेका थिए । समाचारमा उल्लेख भएअनुसार अक्टोबर २१ तारिखमा प्रहरीले पक्राउ गर्दा उनीहरुको रोजागारदाता त्यहाँ थिएनन् ।

नादेश्वरनले अक्टोबर १६ तारिखमा चोरी भएको तर प्रहरीले तीन दिनपछि अक्टोबर १९ मा मात्र रिपोर्ट गरेको भनेर लेखेका छन् । नादेश्वरनका अनुसार रोजगारदाता र नेपाली दूतावासका अधिकारी अक्टोबर २४ तारिखमा पक्राउ परेका सुरक्षा गार्डको पासपोर्ट बुझाउन प्रहरी चौकी पुगेका थिए । तर उनीहरुसँग पक्राउ परेकाहरुलाई अन्तैको कारागारमा पठाइएको भनिएको थियो ।

नादेश्वरनका अनुसार ती दुईजना सुरक्षा गार्डलाई तिहारमा समेत गरेर आठ दिनसम्म बिना कारण कारागारमा थुनेर बुधबारका दिन बिना शर्त रिहा गरिएको छ ।

अन्तिम अपडेट: पुस ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्