चीनमा १८ वर्षभन्दा कम उमेर समूहका व्यक्तिले निश्चित समयमा मात्र अनलाइन गेम खेल्न पाउने

कात्तिक २१, २०७६ बिहीबार ७:२७:१ | एजेन्सी

चीनमा १८ वर्षभन्दा कम उमेर समूहका व्यक्तिले निश्चित समयमा मात्र अनलाइन गेम खेल्न पाउने भएका छन् ।

चीन सरकारले भिडियो गेमको लत नियन्त्रण गर्नका लागि १८ वर्षभन्दा कम उमेरका समूहलाई राति १० बजेदेखि बिहान ८ बजेको बीचमा अनलाइन गेम खेल्न प्रतिबन्ध लगाएको हो । उनीहरुलाई हप्तामा ९० मिनेट र बिदाको दिन तीन घण्टासम्म अनलाइन गेम खेल्न अनुमति दिइएको बीबीसीले जनाएको छ ।

बालबालिकाको स्वास्थ्यको लागि हानिकारक भएकाले भिडियो गेमको लत रोक्नुपर्ने चिनियाँ सरकारको निष्कर्ष छ । अनलाइन गेमका लागि उनीहरुले कति खर्च गर्न पाउने भन्ने पनि सीमा तोकिएको छ । अब ८ देखि १६ वर्ष उमेरका बच्चाले प्रति महिना २ सय युआन र १६ देखि १८ वर्ष सम्मकाले आफ्नो गेमिङ खातामा ४ सय युआनसम्म खर्च गर्न पाउनेछन् ।

चीन सरकारले गएको वर्ष नै भिडियो गेमको अनुमतिमा रोक लगाएको थियो । केही ठूला कम्पनीले सरकारको प्रतिबन्ध वा नियम माने पनि प्रतिबन्ध लागू गर्न र उमेरको जाँच गर्न भने चुनौती देखिएको छ ।

भिडियो गेमले युवामा नकारात्मक असर परेपछि चीनको लगातार आलोचना हुँदै आएको छ । अनलाइन गेमको बजारमा चीन विश्वको दोस्रो ठूलो बजार हो । यो वर्ष गेमको बजारमा अमेरिकाको कमाइले चीनको कमाइ पछि पारेको रिसर्च फर्म न्यूजले जनाएको छ ।

अन्तिम अपडेट: कात्तिक २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्