आप्रवासी कामदारको अधिकार संरक्षणका लागि ३० देशका प्रतिनिधि काठमाण्डौमा सहभागी हुने

कात्तिक २१, २०७६ बिहीबार १३:३७:२१ | उज्यालो सहकर्मी

काठमाण्डौ – आप्रवासी कामदारको अधिकार संरक्षणका लागि कामदार पठाउने र लिने झण्डै ३० देशका प्रतिनिधिहरुको भेला काठमाण्डौमा हुने भएको छ ।

आउँदो २६, २७ र २८ गते राष्ट्रिय मानव अधिकार आयोगले आयोजना गर्न लागेको आप्रवासी कामदारको अधिकार संरक्षणका सम्बन्धी अन्तर्राष्ट्रिय सम्मेलनमा सरकारी अधिकारी, मानवअधिकार आयोगका प्रतिनिधि, गैरसरकारी संस्थाका प्रतिनिधि र नागरिक समाज लगायत ६२ जनाको सहभागिता हुने आयोगले जानकारी दिएको छ ।

सम्मेलनमा कामदार पठाउने र कामदार लिने देशका समस्यामाथि छलफल गरी काठमाण्डौ घोषणापत्र जारी गरिने आयोगका सदस्य सुदिप पाठकले जानकारी दिनुभयो ।

सम्मेलनमा मानवअधिकारका लागि विश्वव्यापी संजालका प्रमुख डा. कार्लो अल्फोनसो नेग्रेट मोस्क्युरासहित केन्या, मलेसिया, माल्दिभ्स, मंगोलिया, दक्षिण अफ्रिका, कतार, बंगलादेश, भारत थाइल्याण्ड लगायतका देशका मानवअधिकार संस्थाका आयुक्तहरु, सरकारी निकाय लगायतका प्रतिनिधि सहभागी हुनेछन् ।

नेपालसहित जर्मनी, फिलिपिन्सलगायतका प्रतिनिधिले पाँचवटा कार्यपत्र पस्तुत गर्ने र कार्यपत्रका आधारमा काठमाण्डौ घोषणा पत्र जारी गर्दै त्यसको कार्यान्वयनका विषयमा पनि छलफल गरिने आयोगका सदस्य पाठकले जानकारी दिनुभयो ।

‘समस्यामा रहेका नागरिकको अधिकारको रक्षा होला भनेर यो सम्मेलनको आयोजना गर्न लागेका हौं´ आयोगका सदस्या पठकले भन्नुभयो, ‘कामदार पठाउने र कामदार लिने देशका प्रतिनिधि एकै ठाउँमा भेला हुने भएकाले पनि समस्यामा पर्नेहरुको अधिकार रक्षाका लागि यो सम्मेलनले सहयोग पुग्नेछ भन्ने विश्वास छ ।’

राष्ट्रिय मानव अधिकार आयोगले आप्रवासी कामदारहरुको मानव अधिकार संरक्षणका लागि क्षेत्रीय, राष्ट्रिय हुँदै अन्तराष्ट्रिय स्तरका सम्मेलन सुरु गर्न थालेको हो ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्