सामाजिक सुरक्षा दिवसको अवसरमा दुई योगदानकर्ताका परिवारलाई सुविधा

मंसिर ११, २०७६ बुधबार १४:१५:५७ | उज्यालो सहकर्मी

काठमाण्डौ – सामाजिक सुरक्षा कोषमा आवद्ध भएपछि ज्यान गुमाएका दुई योगदानकर्ताका परिवारले कोषबाट सेवा पाएका छन् ।

योगदानमा आधारित सामाजिक सुरक्षा कार्यक्रम लागू घोषणा भएको एक वर्ष पूरा भएको अवसरमा बुधबार काठमाण्डौमा आयोजित कार्यक्रममा उपप्रधानमन्त्री ईश्वर पोख्रेलले योगदानकर्ताका परिवारलाई एकमुष्ट रकम बराबरको चेक प्रदान गर्नुभयो ।

योगदानकर्ता काभ्रेका प्रकाश मोक्तानका बुवा बिमानसिंह मोक्तान र आमा धनमाया मोक्तानलाई एकमुष्ट ४५ हजार ७ सय ४० रुपैयाँको चेक हस्तान्तरण गरिएको हो । यस्तै मकवानपुरका रुपेन्द्र थापाकी श्रीमती सुष्मिता क्षेत्रीलाई ५९ हजार ७ सय ७० रूपैयाँको चेक हस्तान्तरण गरिएको छ ।

योगदानकर्ताका आश्रित परिवारले आजीवन निवृत्तिभरण पनि पाउनेछन् ।

प्रकाशका बुवाआमाले निवृत्तिभरण स्वरुप महिनाको दश हजार दुई सय र रुपेन्द्र थापाकी श्रीमतीले महिनाको १७ हजार रुपैयाँ पाउने कोषले जनाएको छ । प्रकाश काठमाण्डौको एउटा क्याफेमा काम गर्नुहुन्थ्यो भने रुपेन्द्र इन्जिनियर हुनुहुन्थ्यो ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्