वैदेशिक रोजगारीको जानकारी अब मोबाइलबाटै, आजदेखि ई टोकन सुरु

 मंसिर १५, २०७६ आइतबार १७:५७:३६ | उज्यालो सहकर्मी

काठमाण्डौ – वैदेशिक रोजगार विभागले आइतबारबाट ई–टोकन प्रणाली सुरु गरेको छ । ई–टोकन भनेको विद्युतीय पालो प्रणाली हो । श्रम स्वीकृति लिनको लागि पालो कुर्नुपर्ने पुरानो अवस्थाको अन्त्य गर्न विभागले ई–टोकन प्रणालीको सुरु गरेको हो ।

श्रम स्वीकृतिका लागि अनलाइन आवेदन पेश गर्नेबित्तिकै आवेदनमा राखेका इमेलमा कुन दिनको पालो छ भनेर म्यासेज आउँछ । श्रम स्वीकृतिको जानकारी पनि मोबाइलमा मेसेजबाटै प्राप्त गर्न र सेवाग्राहीले फाराम भर्दा पेश गरेको इमेलमा श्रम स्टीकर पठाउने विभागले जनाएको छ ।

आवेदन बुझाइसकेपछि कुनै कारणले श्रम स्वीकृति या अस्वीकृत  भएमा वा थप कागजात पेश गर्नु परेमा पनि यो प्रणालीबाट मोबाइलमा म्यासेज पठाएर जानकारी गरिन्छ । 

अब पालो कुन दिन आउँछ भन्ने कुरा त्यसैमा देखाउने भएकाले पहिले जस्तो श्रम कार्यालयमा पुगेर लाइन लाग्न नपर्ने वैदेशिक रोजगार विभागका महानिर्देशक भिष्मकुमार भुसालले बताउनुभयो ।

श्रम स्वीकृतिको लागि फाराम भर्दा आफ्नो सही मोबाइल नम्बर भरियो कि भरिएन भनेर पक्का गर्न विभागको आग्रह छ । यस्तै इमेल र पासवर्ड सकेसम्म आफ्नै भर्नुपर्ने हुन्छ । यदि आफ्नो इमेल छैन भने नयाँ इमेल बनाएर भर्न र बनाएको इमेल र पासवर्ड टिपेर राख्न सकिन्छ ।

पछिल्लो समय सेवाग्राहीको सहजताको लागि वैदेशिक रोजगार विभाग विद्युतीय प्रणालीमा गइरहेको क्रममा ई–टोकन प्रणालीको सुरु गरेको हो ।

आफूलाई पायक पर्ने ठाउँबाटै श्रम स्वीकृति लिन मिल्ने

आफूलाई पायक पर्ने जुनसुकै श्रम कार्यालयबाट पनि श्रम स्वीकृति लिन सकिनेछ । त्यसको लागि आवेदनमा आफूले श्रम स्वीकृति लिन चाहेको श्रम कार्यालय छान्नुपर्ने हुन्छ । 

ई–टोकन प्राणाली लागू भएपछि श्रम कार्यालयमा लाग्ने भिड कम हुने विभागले जनाएको छ । यसबाट सेवाग्राहीहरुलाई सहज हुने र ठगी हुनबाट जोगिने विभागको विश्वास छ ।
 

अन्तिम अपडेट: पुस ९, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • Loka nath acharya

    Dec. 3, 2019, 9:15 a.m.

    यो प्रक्रियावाट पनि छिटो काम हुन्छ जस्तो लागेन /

  •  0 Reply

तपाईको प्रतिक्रिया

समाचार

लोकप्रिय

१

ग्वार्को फ्लाईओभरको ठेकेदार कम्पनीले आजदेखि सरकारलाई जरीवाना तिर्नुपर्ने

२

पनामा नहर नियन्त्रणमा लिने अमेरिकी नवनिर्वाचित राष्ट्रपति ट्रम्पको चेतावनी

३

भक्तपुरमा बाबु र भाइको हत्या स्वीकार गर्दै मिलनले गरे प्रहरीमा आत्मसमर्पण

४

रवि लामिछाने सांसद पदबाट निलम्बित

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई