यूएई पठाउन २ लाख ५ हजार लिने बानेश्वरको ओशो रिक्रुटमेण्टमा विभागको छापा

मंसिर २५, २०७६ बुधबार १७:५५:४८ | उज्यालो सहकर्मी

काठमाण्डौ – यूएई जाने श्रमिकसँग दुई लाख ५ हजार लिंदै गर्दा बानेश्वरको ओशो रिक्रुटमेण्टमा वैदेशिक रोजगार विभागले छापा मारेको छ ।

सरकारले शून्य लागतमा श्रमिक जान पाउनेगरी नयाँ समझदारी गरेको देश यूएई पठाउन दुई लाख ३० हजार मागिरहेको उजुरीको आधारमा बुधबार टोलीले म्यानपावरमा छापा मार्दा श्रमिकसँग पैसा लिएर गन्दै गरेको भेटिएको विभागका सूचना अधिकारी भोलानाथ गुरागाईंले जानकारी दिनुभयो ।

यूएईमा ड्राभइरको काममा पठाउनका लागि पैसा मागेपछि श्रमिकले केही दिनअघि नै मौखिक गुनासो गरेपछि विभागले बुधबार म्यानपावरमा छापा मारेको हो ।

श्रमिकले म्यानपावरलाई बुझाएको पैसा र केही कागजात जफत गरिएको विभागले जनाएको छ । म्यानपावरका सञ्चालक र व्यवस्थापकलाई बिहीबार विभागमा बयानका लागि आउन र चार दिन भित्रमा श्रमिकलाई यूएई पठाउन पनि विभागले पत्राचार गरेको छ ।

मुद्दा फरकारक नहुँदासम्मका लागि ओशो रिक्रुटमेण्टको काम पनि रोक्का गरिएको छ । अनुसन्धान सक्किएर मुद्दाको फरफरक भएपछि मात्र म्यानपावरले काम गर्न पाउने विभागका सूचना अधिकारी गुरागाईंले बताउनुभयो ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्