वैदेशिक रोजगारीमा जानेलाई ट्राफिक नियमबारे जानकारी

मंसिर २७, २०७६ शुक्रबार १४:२४:३८ | उज्यालो सहकर्मी

काठमाण्डौ – वैदेशिक रोजगारीमा जाने श्रमिक र परिवारका सदस्यलाई ट्राफिक नियमबारे जानकारी दिन वैदेशिक रोजगार व्यवसायी संघले ट्राफिक सचेतना कार्यक्रम गरेको छ । अन्तर्राष्ट्रिय आप्रवासी श्रमिक दिवसको अवसर पारेर यस्तो कार्यक्रम गरिएको हो ।

वैदेशिक रोजगारीमा जाने धेरै श्रमिकको सडक दुर्घटनामा परी ज्यान जाने गरेकाले ट्राफिक सचेतना कार्यक्रम गरिएको संघमक प्रथम उपाध्यक्ष तथा कार्यक्रम मुल समितिका संयोजक कमल तामाङले जानकारी दिनुभयो ।

काठमाण्डौको गौशला, एअरपोर्ट, गोङ्गबु पसपार्क, कोटेश्वरलगायतका ठाउँमा वैदेशिक रोजगार व्यवसायी आफैंले ट्राफिकसँग सहकार्य गरेर र काठमाण्डौ भित्रिने र बाहिरिने मुख्य नाका साँगा, थानकोट, बालाजु र बल्खुका साथै त्रिभुवन अन्तर्राष्ट्रिय विमानस्थलमा समेत विदेशमा अपनाउनुपर्ने ट्राफिक नियमका बारेमा सचेतना बोर्ड राखिएको पनि संयोजक तामाङले जानकारी दिनुभयो ।

संयुक्त राष्ट्रसङ्घीय महासभाले आप्रवासी श्रमिक र परिवारका सदस्यको अधिकार संरक्षणसम्बन्धी महासन्धी, १९९० पारित गरेको दिनको स्मरणमा हरेक वर्ष डिसेम्बर १८ का दिनलाई विश्वभर विश्व आप्रवासन दिवसका रूपमा मनाइन्छ । नेपालमा यो दिवस साप्ताहिक रुपमा मनाउन सुरु भैसकेको छ ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्