अस्ट्रेलियाको जङ्गलमा लागेको आगो खतरनाक स्थितिमा : झण्डै ५० करोड जनावरकाे जलेर मृत्यु

पुष २१, २०७६ सोमबार ८:४९:५६ | एजेन्सी

काठमाण्डौ – अस्ट्रेलियाको न्यु साउथ वेल्सको जङ्गलमा लागेको आगो निकै खतरनाक स्थितिमा पुगेको छ ।

गएको सेप्टेम्बरमा लागेको आगोबाट कम्तीमा २४ जनाले ज्यान गुमाइसकेका छन् भने झण्डै ५० लाख हेक्टरमा लगाइएको अन्नबाली नष्ट भइसकेको छ ।

आगलागी कारण झण्डै ५० करोड जनावर र पशुपंक्षी मरिसकेका छन् । यसैबीच एउटा दर्दनक तस्बिर सामाजिक सञ्जालमा भाइरल भइरहेको छ । जसमा एउटा कङ्गारुको बच्चा जलेर तारमा टाँसिएको अवस्थामा देख्न सकिन्छ ।

आगलागीबाट बच्न भागेको कङ्गारुको बच्चा तारमा फस्न पुग्यो र त्यहाँबाट भाग्न नसक्दा पूरै जलेर खरानी भयो । यो तस्बिर सामाजिक सञ्जालमा निकै भाइरल भइरहेको छ । यो तस्बिरले हरकोहीलाई विचलित गर्छ ।

आगो लाग्न सुरु भएको चार महिना बितिसक्दा पनि अस्ट्रेलियाको जङ्गलमा लागेको आगो निभेको छैन । आगलागीका कारण कङ्गारु, स्तनधारी पशुपंक्षी मरेका छन् ।

आगलागीमा फसेका जनावरहरुलाई बचाउन कैयौँ संस्था लागिपरेका छन् । आगलागीका कारण अहिलेसम्म अस्ट्रेलियाको १५ मिलियन एकड क्षेत्रफल जङ्गल खरानी भइसकेको छ ।

अस्ट्रेलिया सरकारले न्यु साउथ वेल्स र भिक्टोरिया प्रान्तको जङ्गलमा लागेको आगोलाई लिएर आपतकालीन स्थिति घोषणा गरेको छ । सडक बन्द गरिएको छ भने स्थानीय र पर्यटकलाई त्यहाँबाट अन्यत्रै पठाइएको छ ।

यो सिजनमा यो तेस्रो पटक आपतकालीन घोषणा हो । अस्ट्रेलियामा यो वर्ष यहाँ सबैभन्दा गर्मी र सुख्खा सिजन हो । यहाँ ५० डिग्री सेल्सियससम्म तापक्रम मापन गरिएको छ ।

अस्ट्रेलियाका प्रधानमन्त्री स्कट मोरिसनले विरोधको सामना गरिरहेका छन् । एक जना दमकलकर्मीले प्रधानमन्त्रीसँग हात मिलाउन पनि मानेनन् ।

यसैबीच प्रधानमन्त्रीको एउटा भिडियो सार्वजनिक भएको छ, जसमा प्रधानमन्त्री दमकलकर्मीसँग हात मिलाउन अघि बढ्छन् र दमकलकर्मी भने माफी माग्दै अन्यत्रै लाग्छन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्