ईरानले भन्याे– 'अमेरिकासँगकाे तनाव कम गर्न भारतले पहल गरे हामी तयार छाैँ'

पुष २४, २०७६ बिहीबार १३:२४:१८ | एजेन्सी

काठमाण्डाै – गएकाे डिसेम्बर ३ तारिखका दिन अमेरिकी हवाई आक्रमणमा ईरानी सैन्य प्रमुख मारिएपछि ईरानले आक्रमणकाे बदला लिने बताएकाे थियाे ।

त्यही आक्रमणकाे बदलास्वरुप गएकाे बुधबार ईरानले इराकमा रहेको दुई वटा अमेरिकी सैनिक अड्डामा दर्जनभन्दा बढी मिसाइल प्रहार गरेको थियाे । त्याे आक्रमणमा ईरानले ८० भन्दा बढी अमेरिकी सैनिक मारिएकाे दाबी गरे पनि अमेरिकी राष्ट्रपति डाेनल्ड ट्रम्पले बुधबार राष्ट्रकाे नाममा सम्बाेधन गर्दै त्यसकाे खण्डन गरे ।

पछिल्लाे दिन यस्तै समाचारले सञ्चारमाध्यममा स्थान पाइरहेका छन् । इराकमा अमेरिकी सैनिक अड्डामा ईरानकाे आक्रमण र त्यसपछिकाे प्रतक्रियालाई लिएर भारतकाे राजधानी दिल्लीबाट छापिने सबैजसाे अखबारले पहिलाे पानामा खबर छापेका छन् ।

'नवभारत टाइम्स' अखबारका अनुसार ईरानले भनेकाे छ, 'अमेरिकासँगकाे तनाव कम गर्नका लागि भारतकाे कुनै पनि शान्तिकाे पहललाई हामी स्वागत गर्छाैँ ।'

भारतका लागि ईरानी राजदूत अली चेगेनीले पनि विश्वमा शान्ति बनाइ राख्न भारतले राम्राे भूमिका निभाउँदै आएकाे बताएका छन् । उनले भने, ‘हामी युद्ध गर्नका लागि होइनौँ । हामी सबै क्षेत्रमा शान्ति र पारस्परिक सहकार्यका लागि तयार छौँ । शान्ति र सहकार्यलाई बढाउने जुनसकै भारतीय सहयोगका लागि हामी तयार छौँ । ’

अर्काे भारतीय अखबार 'पञ्जाव केसरी' ले लेखेकाे छ, भारतीय जल सेना भारतकाे समुद्री व्यापारकाे सुनिश्चितता गर्नकाे लागि खाडी क्षेत्रमा आफ्नाे युद्धपाेत तयार गरिरहेकाे छ ।'

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्