चीनकाे आराेप : काेराेना भाइरसलाई लिएर अमेरिकाले 'त्रास फैलायाे'

माघ २०, २०७६ सोमबार १९:५:४८ | एजेन्सी

काठमाण्डौ – अमेरिकाले कोरोना भाइरसलाई लिएर त्रास फैलाइरहेको चीनले आरोप लगाएको छ ।

अमेरिकाले कोरोना भाइरसको प्रकोपलाई लिएर सार्वजनिक स्वास्थ्य आपतकालको घोषणा गरेको छ । साथै अमेरिकाले पछिल्ला दुई हप्तामा चीन भ्रमण गरेका विदेशी नागरिकलाई अमेरिका प्रवेश गर्न नदिने बताएको छ ।

अमेरिकाको यो फैसलापछि चीनको यस्तो प्रतिक्रिया आएको हो ।

चीनमा कोरोना भाइरसबाट सङ्क्रमित हुनेको सङ्ख्या १७ हजार पुगिसकेको छ । अहिलेसम्म चीनमा मात्र ३६१ जनाको ज्यान गैसकको छ ।

चीन बाहिर पनि कोरोना भाइरसबाट पीडितको सङ्ख्या १५० पुगेको छ । फिलिपिन्समा एक जनाले ज्यान गुमाएका छन् ।

पत्रकार सम्मेलनमा चीनको विदेश मन्त्रालयले अमेरिकाको फैसलाले डरको वातावरण सिर्जना भएको बताएको छ । चीनको विदेश मन्त्रालयका प्रवक्ता हुआ चुनयिङ्गले भने, ‘अमेरिकाले सहयोग गर्नुको साटो डर फैलाइरहेको छ ।’

‘अमेरिका नै पहिलो देश हो, जसले चिनियाँ पर्यटकलाई प्रवेशमा रोक लगायो र आफ्ना दूतावासका केही कर्मचारीहरुलाई फिर्ता बोलाउने बतायो’, उनले भने ।

अमेरिका जस्तो विकसित देशसँग यस्तो स्थितिको फैसला रोक्ने क्षमता छ तर उसले विश्व स्वास्थ्य सङ्गठनको सिफारिसभन्दा छुट्टै रोक लगाउने पहल गरेको प्रवक्ता चुनयिङ्गले बताए ।

अमेरिकाको प्रतिबन्धपछि अस्ट्रेलिया जस्ता केही देशले पनि चीनबाट आउने व्यक्तिमा प्रतिबन्ध लगाएका छन् ।

हङकङले पनि तत्कालका लागि चीनसँग सीमामा रहेको १३ मध्ये १० वटा सीमा तत्कालका लागि बन्द गर्ने बताएको छ ।

तर विश्व स्वास्थ्य सङ्गठन (डब्ल्यूएचओ) ले सीमा बन्द गर्दा भाइरसको प्रकोप अझ बढ्न सक्ने भन्दै चेतावनी दिएको छ । किनकि यस्तो अवस्थामा मानिसहरु अनाधिकृत रुपमा अन्य देशमा पस्न सक्छन् ।

अन्तिम अपडेट: कात्तिक २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्