प्रधानमन्त्री ओली डिस्चार्ज : नियमित फलाे अपमा बस्नुपर्ने

फागुन ३०, २०७६ शुक्रबार १८:४८:३२ | उज्यालो सहकर्मी

काठमाण्डाै - मृगौला प्रत्यारोपणपछि शिक्षण अस्पतालमा उपचार गराइरहेका प्रधानमन्त्री केपी शर्मा ओली डिस्चार्ज हुनुभएकाे छ।

प्रधानमन्त्री ओली शुक्रबार बेलुकी ६:३० बजे अस्पतालबाट डिस्चार्ज हुनुभएको हो । गएकाे फागुन १९ गते अस्पताल भर्ना भइ २१ गते मिर्गाैला प्रत्याराेपण गरिएका प्रधानमन्त्री ओलीकाे स्वास्थ्यमा उल्लेख्य सुधार भएपछि डिस्चार्ज गरिएको त्रिवि शिक्षण अस्पतालका कार्यकारी निर्देशक प्रेमकृष्ण खड्गाले बताउनुभयो ।

चिकित्सकहरुले प्रधानमन्त्री ओलीको भाइटल र ल्याब सूचकहरु राम्रो अवस्थामा रहेको बताएका छन् ।

डिस्चार्जपछि पनि प्रधानमन्त्री नियमित फलोअफमा रहने उहाँका नीजि चिकित्सक डा. दिव्यासिंह शाहले विज्ञप्तिमार्फत जानकारी दिनुभएको छ । आवश्यक सतर्कताका साथ आफ्नो नियमित सबै काम गर्न सक्ने अवस्थामा प्रधानमन्त्री भएपनि नियमित चिकित्सकको निगरानीमा हुनुहुनेछ ।

प्रधानमन्त्री डिस्चार्ज हुनुअघि मन्त्रीहरु अस्पताल पुग्नुभएकाे थियाे । मिर्गाैला प्रत्यारोपण गराएको १० औँ दिन डिस्चार्ज हुनुभएका ओलीलाई उहाँकी भाञ्जी नाता पर्ने समीक्षा संग्रौलाले मिर्गाैला दिनुभएको थियो । संग्रौला यसअघि नै डिस्चार्ज हुनुभएको छ । प्रधानमन्त्री ओलीको १२ वर्षअघि भारतको एपोलो अस्पतालमा मिर्गाैला प्रत्यारोपण गरिएको थियो ।

सम्बन्धित समाचार

अस्पतालबाट डिस्चार्ज हुनुअघि प्रधानमन्त्रीको ट्वीट : कोरोना भाइरसविरुद्ध सार्क राष्ट्रसँग मिलेर अघि बढ्न तयार छौँ

प्रधानमन्त्री ओलीको स्वास्थ्यमा सुधार : साँझ ६ बजे डिस्चार्ज गरिने

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्