काेराेनाका कारण ठूला क्लब फुटबल प्रतियाेगिताहरु स्थगित

चैत १, २०७६ शनिबार ७:५:२० | उज्यालो सहकर्मी

काठमाण्डाै - फैलँदो कोरोना भाइरसको जोखिमका कारण च्याम्पियन्स लिग, प्रिमियर लिग लगायत फुटबलका सबैजसो प्रतियोगिता स्थगित भएका छन् ।

यूरोपेली फुटबल महासंघ यूईएफएले च्याम्पियन्स लिगसहित यूरोपेली फुटबल प्रतियोगिता तत्कालका लागि स्थगित गर्ने निर्णय गरेको हाे । च्याम्पियन्स लिगका आगामी खेल आउँदो मंगलबार र बुधबार हुने तय थियो । यस्तै, यूईएफले च्याम्पियन्स लिगको क्वार्टरफाइनलको ड्र को कार्यक्रमसमेत स्थगित गरेको छ ।

जसअुनसार म्यान्चेष्टर सिटी र रियल म्याड्रिड, युभेन्ट्स र लियोन, बार्सिलोना र नापोली तथा बार्यन म्युनिख र चेल्सीको खेल स्थगित भएको हो । यस्तै इंग्लिस फुटबल लिगले इंग्ल्याण्डमा हुने प्रिमियर लिग, एफए कप, ईएफएल, महिला सुपर लिग, एफ ए महिला च्याम्पियनशिप लगायत सबै प्रतियोगिता आउँदो अप्रिल तीन तारिखसम्मका लागि सार्ने निर्णय गरेको छ ।

कोरोनाका कारण विभिन्न क्लबका खेलाडीमा संक्रमण देखिएकाले यस्तो निर्णय लिएको ईएफएलले जनाएको छ । ईएफएलले फुटबल एकेडेमी र युथ टिमको खेल तालिका पनि रद्द गर्न, आवश्यक काम बाहेक अरुबेला बाहिर ननिस्कन तथा खेलाडीको प्रशिक्षण, समर्थकसँगको भेटघाट लगायत बन्द गर्न पनि निर्देशन दिएको छ ।

इंग्ल्याण्ड र श्रीलंका तथा भारत र दक्षिण अफ्रिकाबीचको क्रिकेट शृंखला पनि रद्द भएको छ । यस्तै अब आईपीएल अप्रिल १५ बाट सुरु हुनेछ । यसअघि आईपीएल मार्च २९ बाट सुरु गर्ने तयारी थियो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्