चीनमा काेराेना बिरामीकाे सङ्ख्या १० हजारभन्दा कम

चैत ३, २०७६ सोमबार १३:३१:४ | एजेन्सी

काठमाण्डौ – कोरोना भाइरस (कोभिड–१९) को उद्गमस्थल चीनमा सङ्क्रमितको र ज्यान गुमाउनेको सङ्ख्या घट्दै गएको छ ।

चीनमा कोरोना भाइरसका कारण तीन हजार दुई सय १३ जनाको ज्यान गएको छ भने ८० हजारभन्दा बढीमा सङ्क्रमण देखिइसकेको छ । तर पछिल्ला दिनमा सङ्क्रमण र ज्यान गुमाउनेको सङ्ख्या स्थिर जस्तै छ ।

आइतबार चीनमा १६ जना नयाँ व्यक्तिमा भाइरसको सङ्क्रमण देखिएको थियो भने १४ जनाले ज्यान गुमाएका थिए ।

८० हजारभन्दा बढीमा सङ्क्रमण देखिएकोमा ६७ हजार सात सय ५८ जना उपचारपछि घर फर्किएका छन् । अहिले चीनमा कोरोना बिरामीको सङ्ख्या १० हजारभन्दा कम छ । ९ हजार आठ सय ८९ जनाको उपचार भइरहेको छ । उपचार गराइरहेका मध्ये तीन हजार दुई सय जना गम्भीर छन् ।

विश्वव्यापी रुपमा फैलिएको कोरोनाको कारण अहिलेसम्म ज्यान गुमाउनेको सङ्ख्या ६ हजार पाँच सय २१ पुगेको छ । एक लाख ६९ हजार ९ सय १५ जनामा भाइरसको सङ्क्रमण पाइएको छ ।

चीनपछि इटलीमा धेरैले ज्यान गुमाएका छन् । इटलीमा एक हजार आठ सय ९ जनाको ज्यान गइसकेको छ । इरानमा पनि सात सय २४ जनाको ज्यान गइसकेको छ ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्