प्रधानमन्त्री ओलीद्वारा ओमान सरकारका प्रतिनिधिसँग कुराकानी, नेपाली श्रमिकको सुरक्षामा कमी नहुने

चैत २६, २०७६ बुधबार २१:४०:३ | उज्यालो सहकर्मी

काठमाण्डौ – प्रधानमन्त्री केपी शर्मा ओलीले बुधबार ओमान सरकारका प्रतिनिधिसँग त्यहाँ रहेका नेपालीको बारेमा जानकारी लिनुभएको छ ।

खाडीका क्षेत्रमा कार्यरत नेपालीको अवस्था बुझ्न खाडी देशका सरकार प्रतिनिधिसँग कुराकानी गर्ने क्रममा प्रधानमन्त्री ओलीले बुधबार ओमानका हिज आइनेस शैयद फहाद वीन महमुद अल सइदसँग कुराकानी गर्नुभएको ह‍ो ।

कुराकानीका क्रममा ओमान सरकारले त्यहाँ कार्यरत नेपाली श्रमिकलाई सुरक्षा र सहयोग रहिरहने निश्चिन्त पारेको प्रधानमन्त्री ओलीले आफ्नो आधिकारिक ट्वीटर ह्ण्डलमार्फत जानकारी दिनुभएको छ ।

नेपालीहरु इमान्दार र परिश्रमीको रुपमा ओमानको विश्वास जितेको जानकारी पाएको भन्दै प्रधानमन्त्री ओलीले खुसी पनि व्यक्त गर्नुभएको छ ।

ठूलो संख्यामा नेपाली कार्यरत खाडी क्षेत्रका नेताहरुसंग संवाद गर्ने क्रममा आज साँझ मेरो ओमान सरकारका हिज हाइनेस शैयद फहाद वीन महमूद अल सइदसँग कुराकानी भयो । त्यहाँ कार्यरत नेपालीहरूलाई ओमानको सुरक्षा र सहयोग रही रहनेमा उहाँले मलाई निश्चिन्त पार्नुभएको छ।
— K P Sharma Oli (@kpsharmaoli) April 8, 2020

कोरोना भाइरसका कारण खाडीमा कार्यरत नेपाली श्रमिकको अवस्थाबारे चासो राख्दै यसअघि प्रधानमन्त्री ओलीले बहराइन, कुवेत र यूएई सरकारका प्रतिनिधिसँग कुराकानी गर्नुभएको थियो । यी देशले यो अप्ठेरो परिस्थितीमा नेपालीको सुरक्षा र उपचारमा कमी हुन नदिने बताएका छन् ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्