चीनले मलाई हराउन 'जे पनि गर्न सक्छ' : ट्रम्प

वैशाख १८, २०७७ बिहीबार १०:५३:५९ | एजेन्सी

काठमाण्डाै – अमेरिकी राष्ट्रपति डोनाल्ड ट्रम्पले फेरि एक पटक चीनमाथि आरोप लगाएका छन् । समाचार एजेन्सी रोयटर्सलाई बुधबार दिएको अन्तर्वार्तामा ट्रम्पले भने, ‘चीन चाहँदैन कि म दोस्रो पटक राष्ट्रपति बनुँ ।’

चीनले कोरोना भाइरस (कोभिड १९) को महामारीलाई जसरी लिइरहेको छ, त्यो नै प्रमाण भएको ट्रम्पले बताए । आउँदो नोभेम्बरमा हुने राष्ट्रपतीय चुनावमा चीनले आफूलाई रोक्न जे पनि गर्न सक्ने ट्रम्पले आरोप लगाए ।

कोरोना भाइरसको महामारीका लागि ट्रम्पले लगातार चीनमाथि आरोप लगाउँदै आइरहेका छन् । अमेरिकामा कोरोना भाइरसको कारण ६० हजारभन्दा धेरैको ज्यान गइसकेको छ । यसका साथै अर्थव्यवस्था पनि नराम्रोसँग प्रभावित भएको छ र बेरोजगारी पनि ऐतिहासिक रुपमा लगातार बढिरहेको छ ।

कोरोना भाइरसबाट अमेरिका सबैभन्दा बढी प्रभावित भएको भन्दै ट्रम्पले यसलाई गम्भीर रुपमा नलिएको भन्दै उनीमाथि प्रश्न उठिरहेको छ । ट्रम्पले भाइरसको गम्भीरतालाई नसम्झिएको र चाँडोभन्दा चाँडो सक्रिय नभएको बताइएको छ ।

कोरोना भाइरसलाई लिएर चीन अझै सक्रिय हुनुपर्ने ट्रम्पको भनाइ छ । यसो गरेको भए विश्वले यसको गम्भीरता चाँडै बुझ्ने ट्रम्पको ठम्याइ छ । के ट्रम्प कोरोना भाइरसलाई लिएर चीनमाथि कर लगाउँछन् ? यसको जवाफमा उनले भने, ‘धेरै कुरा छन्, जो म गर्न सक्छु ।’

‘हामी के हुन्छ भनेर हेरिरहेका छौँ । चिनियाँ अधिकारी लगातार आफ्नो छवि सुधार्ने कोसिस गरिरहेका छन्, जसको माध्यमबाट आफूलाई निर्दाेष देखाउन सकियोस् । यसको लागि पीआरको सहारा लिइरहेको छ । चीन मलाई रोक्न जे पनि गर्न सक्छ, जसका कारण म राष्ट्रपति दौडबाट बाहिरिउँ । चीन डेमोक्रेटिक पार्टीका जो वाइडन राष्ट्रपति बनुन् भन्ने चाहन्छ’, ट्रम्पले भने ।

पछिल्ला दिनमा कोरोना भाइरसको महामारीलाई लिएर अमेरिका र चीनबीच वाकयुद्ध चलिरहेको छ । यसअघि ट्रम्प कोरोनालाई चिनियाँ भाइरस भन्ने गर्थे र चीनले आपत्ति जनाउँदै आएको थियो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Sanu
April 30, 2020, 11:35 a.m.
C .. o .. w ... cow अन्धरास्त्रबादी सबै मतदाता आफूतिर तान्ने राम्रो दाउ !
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

चीनले मलाई हराउन 'जे पनि गर्न सक्छ' : ट्रम्प

1 Comments

Sanu

तपाईको प्रतिक्रिया

तपाईको प्रतिक्रिया