कोरोना भाइरसलाई जित्नुको विकल्प छैन : राष्ट्रपति भण्डारी

जेठ २, २०७७ शुक्रबार १६:३८:५३ | उज्यालो सहकर्मी

काठमाण्डौ – राष्ट्रपति विद्यादेवी भण्डारीले कोरोना भाइरस शताब्दीकै ठूलो महामारीका रुपमा आएको बताउनुभएको छ ।

यसबाट बच्न स्वास्थ्य सेवालाई चुस्त बनाउनुपर्ने आवश्यकता देखिएकाे उहाँकाे भनाइ छ । आर्थिक वर्ष २०७७/७८ को लागि नीति तथा कार्यक्रम सार्वजनिक गर्दै उहाँले अदृश्य शत्रुविरुद्ध विश्व नै लडिरहेको र यो कहिले नियन्त्रणमा आउँछ भन्ने थाहा नभएकोले योविरुद्धको जितको विकल्प नभएको बताउनुभयो ।

कोरोनाबाट हुने आर्थिक क्षतिको पूर्तिलाई आउँदो दिनमा अन्वेषण गरेर पूरा गर्न सकिने तर मानवीय क्षतिको पूर्ति हुन नसक्ने उहाँको भनाइ छ । मानवसँगै विचार र उसको क्षमताको क्षति पनि अपुरणीय हुने भएकाले यसलाई रोक्नु सबैको सर्वाेच्च कर्तव्य हुन आएको राष्ट्रपति भण्डारीको भनाइ छ ।

कोरोनाले विश्वका सवै देशको अर्थ व्यवस्थामाथि गम्भीर धक्का पुर्‍याएको, पर्यटन ठप्प रहेको र उत्पादन र वितरण प्रणाली प्रभावित हुँदा लाखौँको रोजगारी गुमेको उहाँले बताउनुभयो ।

कोरोनाले दिगो विकास लक्ष्य पूरा गर्न ठूलो व्यवधान खडा भएकाे भण्डारीले बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्