हङकङ सुरक्षा कानुन : चिनियाँ अधिकारीलाई अमेरिका प्रवेश गर्न प्रतिबन्ध लगाउने घोषणा

असार १३, २०७७ शनिबार १३:२९:३५ | एजेन्सी

काठमाण्डौ – अमेरिकी विदेश मन्त्री माइक पोम्पियोले चिनियाँ कम्युनिस्ट पार्टीका केही पदाधिकारीलाई अमेरिका प्रवेशमा प्रतिबन्ध लगाइएको घाेषणा गरेका छन् । हङकङको स्वतन्त्रतालाई सङ्कुचित पार्ने योजनामा सहभागी भएका चिनियाँ अधिकारीहरुलाई अमेरिका प्रवेश गर्न प्रतिबन्ध लगाइएको जनाइएको छ ।

विदेश मन्त्री पोम्पियोले यो प्रतिबन्ध ‘वर्तमान र पूर्व’ पार्टीका अधिकारीप्रति लक्षित भएको बताएका छन् ।

हङकङको स्वायत्तताविरुद्ध चीनले ल्याउन लागेको सुरक्षा कानुनको लागि उसलाई दण्डित गर्ने राष्ट्रपति डोनाल्ड ट्रम्पको प्रस्ताव अनुसार यो निर्णय भएको उनले बताए ।
चीनले भने अमेरिकाको निर्णय ‘गलत’ भएको र फिर्ता लिनुपर्ने बताएको छ ।

चिनियाँ संसदको बैठकको अघिल्लो दिन अमेरिकाले चिनियाँ कम्युनिस्ट पार्टीका केही पदाधिकारीलाई आफ्नो देश प्रवेश गर्न प्रतिबन्ध लगाएको हो ।

नेशनल पिपुल्स कांग्रेसको स्थायी समिति बैठक आइतबारदेखि सुरु हुँदैछ, यो बैठकमा हङकङको लागि बनाइएको नयाँ कानुनको बारेमा चर्चा हुने बताइएको छ ।

चीनले प्रस्तावित गरेको नयाँ कानुनमा हङकङमा चिनियाँ अधिकारविरुद्धका गतिविधि अपराध मानिने र बेइजिङले हङकङमा आफ्नो सुरक्षा निकाय स्थापित गर्न सक्नेलगायतका प्रावधानहरु समेटिएका छन् ।

यही प्रस्तावित कानुनलाई लिएर हङकङमा चीनविरुद्ध नारा लगाएर प्रदर्शन गर्ने अभियान चलिरहेको छ ।

शुक्रबार पोम्पियोले दिएको बयानमा अमेरिका प्रवेश गर्न प्रतिबन्ध लगाइएको चिनियाँ अधिकारीहरुको नाम उल्लेख गरिएको छैन । अमेरिकाको यो घोषणापछि चीनले आफ्नो धारणा सार्वजनिक गरेको छ ।

ट्विटरमा पोस्ट गरिएको एक विज्ञप्तिमा चिनियाँ दूतावासले भनेको छ, ‘हामी अमेरिकी पक्षसँग आफ्नो गल्ती सुधार गर्न र निर्णय फिर्ता लिन आग्रह गर्दै चीनको घरेलु विषयमा हस्तक्षेप बन्द गर्न आग्रह गर्दछ ।’

— Chinese Embassy in US (@ChineseEmbinUS) June 26, 2020

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्