कासिम सुलेमानीकाे हत्या अन्तर्राष्ट्रिय कानुनकाे उल्लङ्घन : संयुक्त राष्ट्र सङ्घ

असार २५, २०७७ बिहीबार १९:४९:३९ | एजेन्सी

काठमाण्डौ – अमेरिकाले इरानी सेनाका मुख्य कमाण्डर कासिम सुलेमानीको हत्या गर्नु अन्तर्राष्ट्रिय कानुनको उल्लङ्घन भएको संयुक्त राष्ट्र सङ्घकाे विशेषज्ञ टाेलीले बताएकाे छ ।

गएको जनवरीमा इराकको बग्दाद विमानस्थलमा अमेरिकाले हवाई आक्रमण गर्दा सुलेमानीसँगै नौ जनाको ज्यान गएको थियो ।

संयुक्त राष्ट्रको एक विशेष रिपोर्टको सम्बन्धमा एग्नेस कालामार्डले भने, ‘अमेरिकाले आक्रमणलाई औचित्य प्रमाणित गर्न पर्याप्त मात्रामा तथ्य पुगेको थिएन ।’

अमेरिकी राज्य विभागले सुलेमानीलाई ‘आतङ्कवादीलाई सहयोग गरेको’ आरोप लगाएको थियो ।

पछिल्लो हप्ता इरानले अमेरिकी राष्ट्रपति डोनाल्ड ट्रम्प र ३५ अन्यविरुद्ध सुलेमानीको हत्याको सम्बन्धमा हत्या र आतङ्कवादको आरोपमा पक्राउ पुर्जी (गिरफ्तारी वारेण्ट) जारी गरेको थियो ।

अमेरिकाले कासिम सुलेमानीको हत्या गरेयता इरान–अमेरिकाबीच तनाव बढिरहेको छ ।

याे पनि पढ्नुहाेस्

अमेरिकाले सुलेमानीलाई कसरी ड्राेनकाे निशाना बनायो ?

अमेरिका–इरान तनाव : ‘तेस्रो विश्वयुद्धको कालो बादल मडारिन थाल्याे!’

हवाई आक्रमणमा इरानकाे कुद्स फाेर्सका प्रमुख साेलेमानीकाे ज्यान गयाे

आक्रमणको कारण के थियो ?

इराकमा अमेरिकाको यो आक्रमण भर्खरै अमेरिका र इरानबीच बढ्दै गरेको तनावपछि भएको हो ।

गएको हप्ता इराकको किरकुकमा भएको आक्रमणमा अमेरिकी ठेकेदारको ज्यान गएको थियो र सेनाका चार जना घाइते भएका थिए । यो आक्रमणमा अमेरिकाले इरानका सुलेमानीलाई जिम्मेवार ठहराएको थियो ।

द वाशिङ्टन पोस्ट अनुसार यो घटना पनि अक्रमणको एउटा कारण हो तर केही दिनपछि गएको डिसेम्बर ३१ को साँझ इरान समर्थित सेनाका सदस्यहरुले बगदादमा रहेको अमेरिकी दूतावास घेरेका थिए ।

अमेरिकी सञ्चारमाध्यमका अनुसार यो घटनालाई लिएर अमेरिकाले या क्षेत्रमा सैनिकको सङ्ख्या बढाउने मात्र नभएर जवाफी कारबाहीको योजना बनायो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्