कोरोना प्रकोप : सिङ्गापुरमा आर्थिक मन्दी, विश्वको लागि खतराको सङ्केत

असार ३०, २०७७ मंगलबार १३:४६:१४ | एजेन्सी

काठमाण्डौ – समाचार एजेन्सी रोयटर्सका अनुसार सिङ्गापुर यो वर्षको दोस्रो त्रैमासिकमा आर्थिक मन्दीमा प्रवेश गरेको छ । सिङ्गापुरको अर्थव्यवस्थामा दोस्रो त्रैमासिकमा ४१ दशमलव २ प्रतिशतको गिरावट देखिएको हो ।

वाणिज्य मन्त्रालयका अनुसार गएको वर्षको तुलनामा अप्रिलदेखि जुनबीच सिङ्गापुरको अर्थव्यवस्थामा १२ दशमलव ६ प्रतिशतको दरले गिरावट आएको छ । कोरोना भाइरसको सङ्क्रमण दर रोक्न लगाइएको कडा प्रतिबन्धको कारण यो अवस्था आएको बताइएको छ ।

विश्वको खुला अर्थव्यवस्थामध्ये एक सिङ्गापुरको अर्थव्यवस्थामा गिरावट देखिएको यो दोस्रो हप्ता हो ।

पछिल्लो १० वर्षमा पहिलो पटक सिङ्गापुर आर्थिक मन्दीतर्फ धकेलिएको हो ।

सिङ्गापुरको वाणिज्य मन्त्रालयले आफ्नो बयानमा भनेको छ– दोस्रो त्रैमासिकमा कुल गार्हस्थ उत्पादन (जीडीपी) मा पनि भारी गिरावट आएको छ । ‘यसो हुनुमा ७ अप्रिलदेखि १ जुनबीच कोरोना भाइरसको सङ्क्रमण दर कम गर्नको लागि लगाइएको प्रतिबन्ध जिम्मेवार छ । प्रतिबन्धका कारण सबै अत्यावश्यकबाहेकका सेवा र प्रायः सबैजसो क्षेत्र बन्द गरिएको थियो’, बयानमा भनिएको छ ।

अर्थव्यवस्थामा यो सङ्कुचन आउनु पछाडि विश्वभरमा आइरहेको आर्थिक गिरावटको कारण बाहिरी मागमा आएको कमीलाई पनि मान्न सकिने सरकारी बयानमा भनिएको छ ।

विश्वको व्यापारको अर्थव्यवस्थालाई नियाल्दै आएको ब्यारोमिटरले सिङ्गापुरको डरलाग्दो आँकडा विश्वकै अर्थव्यवस्थाको लागि खतराको सङ्केत दिइरहेको जनाएको छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्