आईपीएलको १३ औँ संस्करण यूएईमा हुन सक्ने

साउन ३, २०७७ शनिबार २०:३७:३२ | एजेन्सी

काठमाण्डाै – इण्डियन प्रिमियर लिग (आईपीएल) को १३ औँ संस्करण संयुक्त अरब इमिरेट्समा हुन सक्ने भारतीय सञ्चारमाध्मयले जनाएका छन् । यसको लागि भारतीय क्रिकेट बोर्ड (बीसीसीआई) ले आउँदो २६ सेप्टेम्बरदेखि ७ नोभेम्बरसम्मको गैरआधिकृत मिति पनि तय गरेको छ ।

अन्तर्राष्ट्रिय क्रिकेट परिषद् (आईसीसी) ले आउँदो १८ अक्टोबरदेखि १५ नोभेम्बरसम्म अस्ट्रेलियामा हुने भनिएको टी–२० विश्व कप स्थगित गर्ने घोषणा गरे, जसको सम्भावना बढ्दै गएको छ र त्यसपछि बीसीसीआईले आईपीएलको बारेमा अन्तिम फैसला गर्नेछ ।

क्रिकइन्फोका अनुसार बीसीसीआईले भारत सरकारलाई पत्र लेखेर प्रतियोगिता यूएईमा गराउने अनुमति मागेको छ । साथै बोर्डले टिमका खेलाडी र अधिकारीहरुको यात्राको लागि आवश्यक अनुमति पनि मागेको बताइएको छ ।

आईपीएल यो वर्षको गएको २९ मार्चमा हुने तय भएको थियो तर कोरोना भाइरसको प्रकोपका कारण आईपीएल अनिश्चितकालको लागि स्थगित भएको थियो । सेप्टेम्बरमा यूएईमा हुने तय भएको एसिया कप टी–२० पनि स्थगित गरिएको छ ।

आईसीसीले अक्टोबर–नोभेम्बरमा हुने टी–२० विश्व कप स्थगित गरेको अवस्थामा बीसीसीआईको लागि आईपीएलको आयोजना गर्ने सम्भावना बन्न सक्छ । अस्ट्रेलियाले घोषित गरेको आफ्नो घरेलु सत्रको कार्यक्रममा भारतले विश्व कप अगाडि अस्ट्रेलियामा तीन वटा श्रृङ्खलाको टी–२० खेल्नेछ ।

शुक्रबारको बीसीसीआईको सर्वाेच्च परिषद्को बैठकमा आईपीएल यूएईमा खेलाउन सकिने सम्भावनामाथि विचार गरिएको थियो । बीसीसीआई अझै पनि आईपीएल भारतमा गराउन चाहन्छ तर भारतमा कोरोना प्रकोप बढ्दै जाँदा यूएईलाई विकल्पमा राखेको हो ।

बीसीसीआईका अध्यक्ष सौरभ गांगुलीले जुनमा राज्य सङ्घलाई पत्र लेख्दै बोर्ड यो वर्ष आईपीएल गराउन इच्छुक रहेको र खाली स्टेडियमसहित सबै विकल्प खोजिएको बताएका थिए ।

यदि १३ औँ संस्करणको आईपीएल यूएईमा भयो भने यो दोस्रो पटक हुनेछ । यसअघि सन् २०१४ मा भारतमा आमचुनावको कारण आईपीएलको पहिलो चरणा यूएईमा आयोजना गरिएको थियो ।

गएको अप्रिलमा इमिरेट्स क्रिकेट बोर्ड (ईसीबी) ले बीसीसीलाई पत्र लेखेर यूएईमा आयोजना गर्न सकिने विकल्प दिएको थियो ।

गएको १३ जुलाईको फ्रेन्चाइजीको बैठकमा पनि आईपीएल यूएईमा गराउने चर्चा भएको थियो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्