नवलपरासी पूर्व : पहिरोमा पुरिएका श्रीमान्–श्रीमतीको शव भेटियाे

साउन ६, २०७७ मंगलबार १३:३५:११ | दयाराम आचार्य

नवलपरासी पूर्व – नवलपरासी पूर्व नवलपुरको बुलिङटारमा पहिरोले घर पुरिँदा दुई जनाको ज्यान गएकाे छ । बुलिङटार गाउँपालिका २ काे डाँडाझेरीमा मङ्गलबार बिहान पहिरोमा पुरिएर श्रीमान् श्रीमती ज्यान गएकाे हाे ।

जिल्ला प्रहरी कार्यालय नवलपुरका प्रहरी नायब उपरीक्षक (डीएसपी) मोहनबहादुर खाँणका अनुसार ज्यान गुमाउनेमा डाडाँझेरी टाँडीका ६१ वर्षीय शेरबहादुर नेपाली र उहाँकी श्रीमती ५७ वर्षीया खिनिमाया नेपाली रहेका छन् ।

सुतिरहेको समयमा मङ्गलबार बिहान ४ बजेको समयमा पहिरोले घर पुरिँदा दुवै जनाको ज्यान गएकाे हो । पहिरोमा पुरिएका दुवै जनाकाे शव स्थानीयले निकालेका हुन् ।

यस्तै साेमबार राति विनयी त्रिवेणी गाउँपालिका ४ मा दुम्किबासबाट पितरीतर्फ जाँदै गरेको लु २ च ६१७१ नम्बरको पिकअप खहरे खोलाले बगाएको छ । पिकअप बगाए पनि मानवीय क्षति भने नभएको डीएसपी खाँणले जानकारी दिनुभयो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दयाराम आचार्य

नवलपरासी सुस्ता पूर्वका उज्यालो सहकर्मी दयाराम आचार्य स्थानीय एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्