भारत : पछिल्लो २४ घण्टामा ४५ हजारमा कोरोना सङ्क्रमण, सङ्क्रमितको सङ्ख्या १२ लाख नाघ्यो

साउन ८, २०७७ बिहीबार ९:९:१८ | एजेन्सी

काठमाण्डौ - भारतमा कोरोना सङ्क्रमितको सङ्ख्या १२ लाख नाघेको छ ।

गएको २४ घण्टामा अहिलेसम्मकै धेरै ४५ हजार ५ सय ९९ जनामा सङ्क्रमण पुष्टि भएको हो । योसँगै भारतमा सङ्क्रमितको सङ्ख्या १२ लाख ३९ हजार ६ सय ८४ पुगेको छ । भारतमा गएकोे पाँच दिनमा मात्रै झण्डै २ लाख सङ्क्रमित थपिएका हुन् ।

भारत विश्वकै तेस्रो धेरै तथा एशियामा सबैभन्दा बढी सङ्क्रमित भएका देशको सूचीमा छ । सङ्क्रमितमध्ये अहिलेसम्म ७ लाख ८४ हजार २ सय ६६ जना निको भएका छन् भने २९ हजार ८ सय ९० जनाको ज्यान गएको छ ।

गएको २४ घण्टामा मात्रै १ हजार १ सय २० जनाको ज्यान गएको छ । यस्तै सबैभन्दा धेरै अमेरिकामा, सङ्क्रमितको सङ्ख्या ४१ लाख नाघेको छ । अमेरिकामा ४१ लाख ८ सय ७५ जनामा सङ्क्रमण पुष्टि भएको छ । १९ लाख ४२ हजार निको भएका छन् ।

अमेरिकामा १ लाख ४६ हजार १ सय ८३ जनाको ज्यान गएको छ । त्यस्तै सङ्क्रमितमध्ये धेरै हुने देशको सूचीमा दोस्रो स्थानमा रहेको ब्राजिलमा २२ लाख ३१ हजार ८ सय ७१ जना सङ्क्रमित रहेका छन् ।

त्यहाँ १५ लाख ३२ हजार १ सय ३८ जना निको भएका छन् भने ८२ हजार ८ सय ९० जनाको ज्यान गएको छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्