'काेराेना भाइरस धेरै ताैल भएका व्यक्तिका लागि धेरै खतरनाक'

साउन ११, २०७७ आइतबार १३:६:१२ | एजेन्सी

काठमाण्डाै – बेलायतका विशेषज्ञहरुले मोटोपना र कोरोना भाइरससँगको सम्बन्धको बारेमा नयाँ खुलासा गरेका छन् । उनीहरुका अनुसार धेरै तौल भएका व्यक्ति कोरोना भाइरसको सङ्क्रमणबाट गम्भीर बिरामी हुन सक्ने र उनीहरुको मृत्यु हुने आशङ्का पनि धेरै हुन्छ ।

बेलायत स्वास्थ्य विभागको एक्जिक्युटिभ एजेन्सी पब्लिक हेल्थ इङ्ग्ल्याण्डले एक तथ्यका आधारमा यस्तो खुलासा गरेको हो । धेरै तौल भएका व्यक्तिलाई कोरोना भाइरसको सङ्क्रमण भएमा उनीहरुलाई अस्पतालमा भर्ना गर्न र आईसीयू कक्षको आवश्यकता धेरै हुन्छ ।

विशेषज्ञका अनुसार तौल बढ्दै जाँदा यो खतरा पनि बढ्दै जान्छ ।

पब्लिक हेल्थ इङ्ग्ल्याण्डका चिफ न्युट्रिशियनिस्ट डाक्टर एलिसन टेडस्टोनका अनुसार धेरै तौल भएका व्यक्तिमा कोभिड–१९ का साथै गम्भीर बिरामी र मृत्यु हुने खतरा पनि धेरै हुन्छ ।

उनी भन्छिन्, ‘तौल कम गर्दा स्वास्थ्यमा पनि धेरै फाइदा हुन्छ, यसो गर्दा कोभिड–१९ को खतरा पनि कम हुन्छ ।’

बेलायत सरकारले मोटोपना कम गर्ने अनुमानित घोषणाको ठिक अघि पब्लिक हेल्थ इङ्ग्ल्याण्डको तर्फबाट यो जानकारी सार्वजनिक भएको हो ।

युरोपेली देशमा बेलायत सबैभन्दा धेरै तौल भएका व्यक्तिको देश हो । इङ्ग्ल्याण्डका वयस्कमध्ये दुई तिहाइ मानिस या त मोटा हुन्छन् या उनीहरुको तौल धेरै हुन्छ । यही अवस्था वेल्स, स्कटल्याण्ड र उत्तरी आयरल्याण्डको पनि छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्