इरानले अमेरिकाकाे 'डमी' युद्धपाेतलाई क्षेप्यास्त्रले उडायाे

साउन १४, २०७७ बुधबार १३:१७:५० | एजेन्सी

काठमाण्डाै – इरानले क्षेप्यास्त्रको अभ्यासको क्रममा अमेरिकी युद्धपोतको डमीलाई उडाएको छ ।

यो रणनीतिक रुपमा निकै महत्त्वपूर्ण मानिँदै आएको स्ट्रेट अफ् होरमुजमा गरिएको हो, यसले फारसको खाडीलाई ओमानको खाडीसँग जोड्छ ।

यो अभ्यासमा यति धेरै आगोको लप्का निस्किएको थियो, जसका कारण अमेरिकी सेनाले आफ्नो दुई क्षेत्रीय शिविरलाई अलर्ट मोडमा राखेको थियो ।

अमेरिकी सेनाले भने इरानको यो अभ्यास गैरजिम्मेवार र लापर्वाहीयुक्त भएको बताएको छ ।

अमेरिकी जलसेनाका अनुसार इरानको तर्फबाट यो उक्साउने र कारबाही गर्नको लागि बाध्य गर्ने कदम जस्तै थियो ।

खाडी क्षेत्रमा तेहरान र वाशिङ्टनबीच तनाव लगातार बढिरहेको बेला इरानले क्षेप्यास्त्रको अभ्यास गरेको हो ।

इरानको सरकारी टेलिभिजनका अनुसार अभ्यासको नाम पेगम्बर मोहम्मद १४ औँ राखिएको थियो ।

अमेरिकी युद्धपोतको डमी खाडीमा तैनाथ गरिएको जस्तो देखिन्थ्यो । यो डमी युद्धपोतमा डमी फाइटर जेट विमान पनि तैनाथ थियो । यो युद्धपोतमा विभिन्न कोणबाट मिसाइल प्रहार भएको थियो ।

युद्धपोतमा हेलिमकप्टरमार्फत पनि क्षेप्यास्त्र प्रहार भएको थियो, जुन युद्धपोतको एक किनारमा ठोकिएको थियो ।

आक्रामक अभ्यासलाई लिएर अमेरिकी प्रतिक्रिया

इरानको रेभ्युल्युशनरी गार्ड्सका कमाण्डर मेजर हुसेन सालामीले सरकारी टेलिभिजनसँग भने, ‘यो अभ्यासमा हाम्रो वायुसेना र जलसेनाको आक्रामक शैली देखियो ।’

अमेरिकी सेनाका अनुसार यो अभ्यासमा ब्यालेस्टिक मिसाइलमार्फत पायरिङ गरिएको थियो, जसका कारण संयुक्त अरब इमिरेट्स र कतारमा अमेरिकी युनिटलाई अलर्ट गरिएको थियो ।

अमेरिकी जलसेनाको बहराइनमा रहेको पाँचौँ फ्लिटका प्रवक्ता रेबेका रेबारिचले जलसेना सुरक्षाको बढावा दिन अमेरिकी जलसेनाले आफ्ना सहयोगीसँग रक्षात्मक अभ्यास गर्दै आएको तर इरानको अभ्यास आक्रामक भएको बताए ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्