काेराेना भाइरसलाई हराउन कुनै 'चाँदीकाे गाेली' छैन : डब्ल्यूएचओ

साउन १९, २०७७ सोमबार १९:५२:५० | एजेन्सी

काठमाण्डाै – विश्व स्वास्थ्य सङ्गठन (डब्ल्यूएचओ) ले काेराेना भाइरसलाई हराउनकाे लागि कुनै ठाेस उपचार पत्ता नलाग्ने हाे कि भन्ने सम्भावना रहेकाे जनाएकाे छ ।

विश्व स्वास्थ्य सङ्गठनका निर्देशक डाक्टर टेड्रोस एड्हानोम गेहब्रेयससले एक भर्चुअल पत्रकार सम्मेलनलाई सम्बाेधन गर्दै यस्ताे बताउनुभएकाे हाे ।

उहाँले भन्नुभयाे, 'अहिले याे भाइरसकाे कुनै सटीक र निश्चित प्रकारकाे उपचार उपलब्ध छैन र यसकाे ठाेस उपचार पत्ता नलाग्ने पनि हुन सक्छ ।'

डब्ल्यूएचओका महानिर्देशक टेड्रोस एड्हानोम गेहब्रेयससले काेराेनाविरुद्धकाे खाेप खाेज्न हतार गर्नु बाहेक भाइरसकाे लागि 'सिल्भर बुलेट (चाँदीकाे गाेली)' नभएकाे बताउनुभएकाे छ ।

सङ्गठनले एक दिनअघि मात्रै पनि काेराेनाकाे महामारी अझै केही सयमसम्म रहिरहने बताएकाे थियाे ।

यद्यपि विश्वभर काेराेना भाइरसबाट बच्नका लागि खाेपकाे परीक्षण भइरहेकाे छ तर अहिलेसम्म निश्चित रुपमा कुनै खाेप बजारमा आइसकेकाे छैन ।

गएकाे महिना अक्सफाेर्ड विश्वविद्यालयले आफूले बनाएकाे खाेप परीक्षणकाे क्रममा सुरक्षित भएकाे र राेग प्रतिराेधात्मक क्षमता बढाउन मद्दत गर्ने बताएकाे थियाे । वैज्ञानिकहरुले पनि यसलाई ठूलाे सफलता भएकाे बताएका थिए ।

अब त्याे खाेपकाे अघिल्लाे परीक्षण झण्डै १० हजार जनामा गरिँदैछ ।

अहिलेसम्म विश्वभर एक कराेड ८२ लाखभन्दा धेरै मानिसमा काेराेनाकाे सङ्क्रमण पुष्टि भएकाे छ । सङ्क्रमितमध्ये एक कराेड १४ लाखभन्दा धेरै निकाे भएर घर फर्किँदा ६ लाख ९३ हजारभन्दा बढीकाे ज्यान गएकाे छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्