मधेशको विकासका लागि नेकपाको विकल्प छैन : नेता नेपाल

भदौ ३, २०७५ आइतबार १८:३५:२३ | मदन ठाकुर

रौतहट – नेपाल कम्युनिष्ट पार्टी (नेकपा) का वरिष्ठ नेता माधवकुमार नेपालले मधेशको कायपलट गराउन र मुलुकलाई समृद्धितर्फ उन्मुख गराउने कार्यमा नेपाल कम्युनिष्ट पार्टीको कुनै विकल्प नरहेको बताउनु भएको छ ।

रौतहट सदरमुकाम गौरमा नेकपाद्धारा आइतबार आयोजित वृहत कार्यकर्ता भेला तथा पार्टी प्रवेश कार्यक्रमलाई सम्बोधन गर्दै वरिष्ठ नेता नेपाले विकासको लागि नेकपाको विकल्प नभएको बताउनुभएको हो ।

संघीय गणतन्त्रमा विकासको पूर्वाधारलाई प्राथमिकताको सूचीमा राखेर हरेक प्रदेशलाई समुन्नतीको पथमा लैजाने दायित्व नेकपाको काँधमा रहेको हुँदा मुलुकलाई समृद्धितर्फ उन्मुख गराउन नेकपाको कुनै विकल्प नरहेको बताउनुभएको हो ।

प्रदेश नम्बर २ को मधेशमा विधिको शासन कायम गराउनमा प्रदेश सरकार तत्पर भएर लाग्नुपर्ने तथा मधेशको कायापलट गराउने कार्यलाई केन्द्र सरकारबाट विभिन्न आयोजनालाई संचालनमा ल्याएर राज्यको मूल धारमा ल्याउन नेकपा बाहेक अन्य कुनै दल नरहेको जिकीर गर्नुभयो ।

पूर्व पश्चिम राजमार्ग चौडीकरण, निजगढ काठमाडौं फास्ट ट्रयाक, निजगढ अन्तरर्राष्ट्रिय विमानस्थल, उद्योगिक कोरिडोर, रेल्वे ट्रयाक, कोशी कमलाको पानी डायभर्ट गरेर नहरहरु निर्माण गरी किसानहरुलाई सिंचाईको समुचित व्यवस्थापन लगायत मधेशलाई विकसित गराउन ठूला ठूला परियोजनाहरु संचालनमा रहँदा त्यसलाई गुणस्तरिय बनाई निर्धारित समयमा कार्य सम्पन्न गराउन सबै मिलेर अघि बढ्नुपर्नेमा नेपालले जोड दिनुभयो ।

अन्तिम अपडेट: पुस १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मदन ठाकुर

रौतहटका पत्रकार मदन ठाकुर उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्