विदेशबाट फर्किएका र राेजगारीका लागि विदेश जान चाहनेलाई निःशुल्क सीप सिक्ने अवसर

चैत ४, २०७७ बुधबार १२:३५:४७ | उज्यालो सहकर्मी

काठमाण्डौ – तपाईँ सीप सिकेर रोजगारीका लागि जान चाहनुहुन्छ ? वा विदेशबाट फर्किएर देशमै केही गर्न सीप सिक्न चाहनुहुन्छ ? यदि चाहनुहुन्छ भने अब निःशुल्क सीप सिक्न पाइने भएको छ ।

वैदेशिक रोजगार बोर्डले वैदेशिक रोजगारीमा जान चाहने वा विदेशबाट फर्किएर सीप सिक्ने चाहनेहरूलाई निःशुल्क सीपको तालिम प्रदान गरिरहेको छ ।

बोर्डले प्राविधिक शिक्षा तथा व्यवसायिक तालिम परिषद् (सिटिईभीटी) सँगको सहकार्यमा वैदेशिक रोजगारमा जान चाहने तथा वैदेशिक रोजगारबाट फर्केका युवालाई लक्षित गर्दै विभिन्न प्रकारका सीप तालिम निःशुल्क प्रदान गरिरहेको छ ।

बोर्डले आफ्नो रुचि अनुसार तालिममा सहभागी हुन अनुरोध समेत गरेको छ ।

नेपाली श्रमिक दक्ष भएर मात्रै वैदेशिक रोजगारीमा जाउन् भन्ने बोर्डको लक्ष्य हो

यी सीपको तालिम निःशुल्क लिन पाइन्छ

वैदेशिक रोजगारीमा जानेहरू दक्ष भएर जाउन् भन्ने उदेश्यले विभिन्न प्रकारका सीप तालिम निःशुल्क प्रदान गरिएको बोर्डका कार्यकारी निर्देशक राजनप्रसाद श्रेष्ठले बताउनुभयो । बोर्डले अहिले कुक, वेटर, हाउस किपिङ, भान्सा सहयोगी, फ्रण्ट अफिस सहायक, सुरक्षा गार्ड, डकर्मी, हाउस पेन्टर, प्लम्वर सहायक, वेल्डर सहायक, जुनियर फर्निचर मेकर, ब्यूटीसियन, जुनियर ब्यूटिसियन, सटरिङ कार्पेन्ट्री, एसिस्टेण्ट स्काफोल्डर, ईलेक्ट्रिसियन लगायतका तालिम सञ्चालन गरिरहेको छ ।

वैदेशिक रोजगारी : कमाउने सपनासँगै सीप पनि बोकेर गए परदेशमा दुःख हुँदैन

तालिममा सहभागी सबैको सीप परीक्षण पनि हुन्छ । परीक्षणमा पास भएमा परीक्षा दिँदा लागेको शुल्क बोर्डले फिर्ता दिन्छ । तालिममा सहभागीको ९० प्रतिशत हाजिर भएमा मात्र सीप परीक्षणका लागि योग्य हुनेछन् ।

यी ठाउँमा सिक्न पाइन्छ निःशुल्क सीप

प्रदेश अनुसार तालिम प्रदायक संस्थासमेत तोकिएको छ । बोर्ड सचिवालय, सिटीईभीटी तथा तालिम प्रदायक संस्थाहरुबीच तालिम सञ्चालन सम्झौता भएको छ ।

प्रदेश १ मा सुम्निमा पोलिटेक्निक ईन्स्टिच्यूट भोजपुर तथा रत्नकुमार वान्तवा बहुप्राविधिक शिक्षालय ईलाममा सीप सिक्न पाइन्छ ।

‘जसरी चरी लडेर मर्दैन, सीप सिकेपछि मान्छे भोको मर्दैन’

यस्तै प्रदेश २ मा निर्मल लामा बहुप्राविधिक शिक्षालय बर्दिवास तथा बीपी मेमोरियल पोलिटेक्निक ईन्स्टिच्यूट, धनुषा, बागमती प्रदेशमा बालाजु स्कूल अफ ईञ्जिनियरिङ एण्ड टेक्नोलोजी, बनेपा पोलिटेक्निकल ईन्स्टिच्यूट, नारायणी बहुप्राविधिक शिक्षालय चितवन तथा जिरी प्राविधिक शिक्षालय दोलखामा सीप तालिम सञ्चालन भइरहेको छ ।

यसैगरी गण्डकी प्रदेशमा पोखरा प्राविधिक शिक्षालय पोखरामा, लुम्विनीमा कोरिया नेपाल ईन्स्टिच्यूट अफ टेक्नोलोजी रुपन्देही, शहिद कृष्णसेन ईच्छुक बहुप्राविधिक शिक्षालय दाङ र भेरी प्राविधिक शिक्षालय नेपालगञ्जमा तालिम लिन पाइन्छ ।

कर्णाली प्राविधिक शिक्षालय जुम्ला तथा शहीद नेत्रलाल अभागी प्राविधिक शिक्षालय सल्यानमा पनि तालिम प्रदान हुन्छ भने सुदूरपश्चिम प्रदेशमा टीकापुर पोलिटेक्निक इन्स्टिच्यूट कैलालीमा बोर्डमार्फत प्रदान हुने सीप तालिम सञ्चालन भइरहेको छ ।

सबै शिक्षालयहरूबाट ७ हजार ३ सय ६० जनालाई सीप विकास तालिम दिने लक्ष्य रहेको बोर्डले जनाएको छ । थप जानकारीका लागि वैदेशिक रोजगार बोर्डको सचिवालयमा रहेको कल सेन्टरमा ११४१ नम्बरमा सम्पर्क गर्न सकिन्छ ।

अन्तिम अपडेट: पुस ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्