नेपालले अग्रता जाेगाउन सकेन, फिलिपिन्ससँग २–१ ले हार्‍याे

असोज २, २०७८ शनिबार १७:५७:४ | उज्यालो सहकर्मी

काठमाण्डाै – एएफसी महिला एसियन कप–२०२२ छनोटको पहिलो खेलमा नेपाल फिलिपिन्ससँग पराजित भएको छ ।

उज्वेकिस्तानको जेएआर मैदानमा आज शनिवार भएको खेलमा फिलिपिन्सले नेपाललाई दुई–एकले हराएको हो । नेपालले खेलको १० औँ मिनेटमा गोल गरेको भए पनि अग्रता जोगाउन सकेन ।

नेपालकी विमला चौधरीले गोल गरिन् । फिलिपिन्सका लागि कामिली विलसनले दुई गाेल गरिन् । वैकल्पिक खेलाडीका रूपमा ६५ औँ मिनेटमा मैदान प्रवेश गरेकी विलसनले खेलको ९० औँ र इन्जुरी समयमा गोल गरिन् ।

याे जितसँगै फिलिपिन्सले पहिलो खेलमा तीन अङ्क जोडेको छ ।

छनोटअन्तर्गत नेपाल रहेको समूहमा फिलिपिन्स र हङकङ छन् । समूहको शीर्ष स्थानमा रहने टोलीले अर्को वर्षको फेब्रुअरीमा भारतमा हुने महिला एसियन कप खेल्न पाउनेछ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्